Облыс әкімі Бейбіт ИСАБАЕВ ай мақтың әлеуметтік-экономикалық даму қорытындылары мен 2026 жыл ға арналған кешенді даму жоспары туралы жиын өткізді.
Шарада сөз алған Бейбіт Өксікбайұлы:
– Облыс құрылғаннан бері халықтың өмір сүру сапасын жақсартуға оң әсерін тигізетін бірқатар ірі инфрақұрылымдық жоба іске асы рылды. «Талдықорған – Үшарал» магистральді газ құбыры салынып, «Достық – Мойынты» учаскесінде екінші теміржол жолдарының құ рылысы аяқталды. «Талдықорған – Үшарал», «Үшарал – Достық» жолдары пайдалануға бері ліп, «Сарыөзек – Көктал – Қорғас» жолы жаң ғыртылып, республикалық маңызы бар жолдар 100%-ға жөнделді. Облыс жолдарының жақсы және қанағаттанарлық жағдайдағы үлесі 95%-ға жетті. Көп жылдан бері шешілмей кел ген Молалы айналмасынан Балқаш көліне дейінгі жол толық жөнделіп, пайдалануға берілді. Бұл ретте туризм саласына ерекше назар аударыл ды. Мәселен, 2025 жылы бұл салаға облыстың даму бюджетінің шамамен 30%-ы бөлінді, – деп атқарылған жұмыстарды кеңінен тарқатты. Айта кетейік, жалпы өңірлік өнім көлемі 2022 жылмен салыстырғанда 2 есеге жуық өсіп, 2,5 трлн. теңгеге жетіпті. Өткен жылдың қорытын дысы бойынша экономикалық өсім кемінде 6,5% деңгейде болады деп күтілуде. Облыс бойынша соңғы үш жылда өңірге 1,5 трлн. теңге инвестиция құйылып, жұмыссыздық деңгейі 4,7%-ға дейін төмендеген. Сол сияқты 2023-2025 жылдары 1 млн. шаршы метр тұрғын үй пайдалануға беріліп, шамамен 11 мың отбасы қоныс тойын тойлады. Сонымен қатар, 276 әлеуметтік нысан салынып, жөндеуден өтті. Орталық ауызсумен қамту деңгейі 100%-ды құрады, 110 елді мекенге газ тартылып, өңірді газдандыру деңгейі 67%-ға жетті.
Әлеуметтік-экономикалық даму қорытынды лары мен 2026 жылға арналған жоспарлар туралы негізгі баяндаманы облыс әкімінің орынбасары Әсет Қанағатов жасады. Ол аймақтың жетістіктері мен өзекті мәселелерді талдап өтті.
Бұдан соң бірқатар аудан және қала әкімдері, басқарма басшылары сөз сөйледі. Баяндамалар дан кейін Бейбіт Исабаев жауапты тұлғаларға Мемлекет басшысының Үкіметтің кеңейтілген отырысында берген тапсырмаларын негізге ала отырып, бірқатар басым міндет жүктеді.
Облыс ауыл шаруашылығын дамыту мақса тында агроөнеркәсіп кешеніндегі қайта өңдеу деңгейін арттыруға басымдық бермек. Бұл үшін заманауи агротехнологияларды қолдану, инвес тиция тарта отырып, тауарлы-сүт фермаларын, бордақылау алаңдарын, құс фабрикаларын, жылыжайларды салу, ауыл шаруашылығы жер лерін тиімді пайдалану қажеттігі атап өтілді. Өнеркәсіпті, шағын және орта бизнесті дамыту, салаға инвестиция тарту, жаңа жұмыс орындарын ашу – басым міндеттердің қатарында. Тұрғын үй, әлеуметтік нысандар мен жалпы инфрақұрылым құрылысының сапасы мен мерзімі тұрақты бақы лауда болуы тиіс. Тағы бір маңызды міндет – «Таза Қазақстан» экологиялық бағдарламасы аясында қолайлы өмір сүру ортасын қалыптастыру. Медициналық қызмет сапасын арттыру, скринингтік тексерулерді уақытылы өткізу, өңірге тәжірибелі медицина мамандарын шақыру арқылы халықтың денсаулығын сақтауға ерекше назар аударылады.
– Бюджет сапалы игерілуі тиіс. Бірінші кезектегі қажетті жобаларға қаржы тиімді жұмсалуын қатаң бақылауға алу керек. Облыс әкімінің орынбасарлары, басқарма басшылары, аудан, қала, ауылдық округ әкімдері өңірдің әлеу меттік-экономикалық тұрақтылығын қамтама сыз ету үшін өз жауапкершілігін толық сезініп, қолданыстағы қаржы мүмкіндіктерін барынша тиімді пайдаланып, әрбір тапсырманы уақыты лы әрі сапалы орындауы керек. Жалпы, биылғы жылдың көрсеткіштері белгіленіп, басым ба ғыттары айқындалды. Даму жоспарымыз бар, мақсат-міндеттеріміз де айқын. Бізге басты керегі – сапалы жұмыс пен нақты нәтиже, – деді облыс әкімі жиынды қорытындылап.
Жиын соңында 2025 жылдың қорытындысы бойынша марапаттау рәсімі өтті. «Үздік аудан» номинациясында Көксу ауданының әкімдігі же ңімпаз атанса, «Үздік ауылдық округ» ретінде Алакөл ауданындағы Бескөл ауылдық округі танылды. Ал облыстық Мемлекеттік кірістер департаменті «Үздік басқарма», облыстық кар диологиялық орталық «Үздік мекеме» атанды. Сондай-ақ, өз саласында жоғары нәтижеге қол жеткізген бірнеше басшы «Адал қызметі мен еңбегі үшін» арнайы марапаттарға ие болды.
Айдар ҚАЛИЕВ
