Жетісу облысында жер сілкінісі болды. Бұл туралы ҚР Төтенше жағдайлар министрлігінің «Сейсмологиялық зерттеу институты» ЖШС сейсмикалық станциялар желісі хабарлады.
Жерасты дүмпуі 2025 жылғы 29 мамырда Астана уақыты бойынша түнгі 02:14-те тіркелген. Сейсмикалық оқиғаның эпицентрі Алакөл ауданына қарасты Ақши ауылынан 11 шақырым жерде орналасқан. Сонымен қатар, жер сілкінісі Алматы қаласынан солтүстік-шығысқа қарай шамамен 478 шақырым қашықтықта болды.
Қазіргі таңда жер сілкінісінің сезілетіндігі туралы ақпарат тіркелмеген. Сондай-ақ зардап шеккендер мен қираулар туралы мәліметтер жоқ.
ҚР Төтенше жағдайлар министрлігі сейсмикалық жағдайды бақылауда ұстап отыр.
