2025 жылғы 15 тамызда ҚР Ауыл шаруашылығы министрінің міндетін атқарушы Ермек Кенжеханұлы Жетісу облысының тұрғындарымен, соның ішінде ауыл шаруашылығы тауарын өндірушілермен жүздеседі.
Кездесу орталық атқарушы органдар басшыларының халықпен кездесу кестесіне сәйкес ұйымдастырылып отыр. Онда өңірдің агроөнеркәсіптік кешенін дамытуға бағытталған қабылданған шаралар талқыланады.
Шара сағат 10:00-де Көксу ауданы әкімдігінің ғимаратында (Мырзабеков көшесі, 38) өтеді. Бұқаралық ақпарат құралдары өкілдері кездесуге қатыса алады.
Өңірдің ауыл шаруашылығы саласына қатысты сұрақтар мен ұсыныстарды targynova.k@minagri.gov.kz электрондық поштасына жолдауға болады. Қосымша ақпарат алу үшін +7 (7172) 555-765 (Әсия Нұрпейісова) телефонына хабарласуға болады.
