Жетісу облысында білім беру ұйымдарының күрделі шығыстарына Т22,7 млрд бөлмек, деп хабарлайды 7-su.kz ҚазТАГ ссйтына сілтеме жасап.
«Бюджеттiк бағдарламаның шығыстары, толық («Ведомстволық бағыныстағы мемлекеттік мекемелерінің және ұйымдарының күрделі шығыстары», мың теңге – ҚазТАГ): 2024 жыл — 7 448 878; 2025 жыл — 11 470 605; 2026 жыл — 1 200 000; 2027 жыл — 1 260 000; 2028 жыл — 1 323 000», — деп облыстық білім басқармасының бюджет жобасында айтылған.
Жалпы сома – Т22 702 483 000.
Бюджеттік жобаның негіздемесі бойынша, шығыстар білім беру ұйымдарының күрделі шығындарын қамтамасыз етуге көзделген.
Мақсаты — облыстық білім беру ұйымдарының материалдық-техникалық базасын нығайту, күрделі жөндеу жұмыстарын жүргізу болып табылады.
«Міндеттер: 2024 жылы күрделі шығындарды көздейтін ведомстволық бағынысты мемлекеттік ұйымдардың саны — 21 ұйым, 2025 жылы — 43 ұйым, 2026 жылы — 29 ұйым, 2027 жылы — 40 ұйым, 2028 жылы — 49 ұйым», — деп жобада жазылған.
