Білім беру саласында аянбай еңбек етіп, ел болашағына үлес қосқан ұстаздарға арнап арнайы галерея жасалды, деп хабарлайды Жетісу облысының білім басқармасы.
Мұнда «Қазақстанның Еңбек Ері» және «Қазақстанның Еңбек сіңірген ұстазы» атақтарына ие болған педагогтердің есімдері мен бейнелері лайықты құрметпен көрсетілді. Галерея Үштөбе қаласының гуманитарлық колледжінде орналастырылып, болашақ педагогтер назарына ұсынылды.
Мәртебесі биік, ұрпақ болашағын ең бірінші орынға қоятын Жетісу ұстаздары, «Қазақстанның Еңбек сіңірген ұстазы» құрметті атағын иелеген «Кемел Тоқаев атындағы қайырымдылық қоры» қорғаншылық кеңесінің төрайымы, орыс тілі мен әдебиеті пәндері мұғалімі В.Спиридонова, Сарқан ауданы Абай атындағы ОМГ химия, биология пәндері мұғалімі Т.Станкевич, Көксу ауданы Қ.Жалайыри атындағы орта мектеп-гимназиясының орыс тілі мен әдебиеті пәндері мұғалімі Ж.Сыдықжанова, Талдықорған қаласындағы №19 М.Жұмабаев атындағы орта орта мектеп-гимназиясының қазақ тілі мен әдебиеті пәндері мұғалімі мен Алакөл ауданы «Балалар шығармашылық орталығы» директоры А.Уалиеваның портреттері галереяда ілінді.
