Мемлекет басшысының Жарлығымен қызметтік борышын атқаруда жанқиярлығы, сондай-ақ еліміздегі су тасқыны кезеңіндегі көрсеткен ерлігі үшін Әлішер Баймұханбет «Ерлігі үшін» медалімен марапатталды, деп хабарлайды Жетісу облысы ТЖД баспасөз қызметі.
Жетісу облысы ТЖД Жедел-құтқару жасағының құтқарушысы Әлішер Баймұханбетовты Абай облысындағы су тасқынының салдарын жою жұмыстарына атсалысқан. Көктемдегі су тасқыны Аягөз ауданынның тұрғындарына орасан зор зиян келтіріп, үйлерді, жолдарды, ауылшаруашылық жерлерінің су басуына әкелді. Орын алған жағдайда Әлішер су тасқынына қарсы іс-шараларға белсенді қатысты.
«Ауа-райының қолайсыздығына және қауіптіліктің жоғары дәрежесіне қарамастан тәулік бойы жұмыс істедік», — дейді Әлішер.
Сонымен қатар, Аягөз өзені арқылы 400-ге жуық адам мен 1500 кг азық-түлік пен дәрі-дәрмек тасымалдауды жүзеге асырды, елді мекеннен 90 км қашықтықта орналасқан шаруа қожалығынан 4 адамды эвакуациялады. Авариялық-құтқару жұмыстарының қиындығына қарамастан, зардап шеккендердің өмірі мен мүлкін сақтап қалды.
Фото: gov.kz
