Жамбыл ауданының орталығы — Ұзынағаш ауылында болған атыс туралы желіде кең тарап жатыр. Ондағы оқиға бейнекамераға түсіп қалған. Бұл жайында zakon.kz хабарлады.
Қазіргі таңда Алматы облысының полицейлері осы оқиғаға қатысты «Tengrinews» сайтында түсініктеме берді. «Бұл оқиға осы жылдың маусымында Ұзынағашта болған. Таныстар өз арасында жанжалдасып, оның соңы төбелеске ұласқан. Қазір «кісі өлтіруге оқталу» бабы бойынша тергеу жүріп жатыр. Қылмыс жасады деген күдікпен екі ер адам ұсталып, уақытша ұстау изоляторына қамалды. Сотқа дейінгі тергеу барысында оқиғаның мән-жайы анықталады», — деді полицейлер.
Бейнематериалда әйел адамның дауысы мен бейәдеп сөздер айтылады.
«ЖЕТІСУ-АҚПАРАТ»
