Мемлекет басшысы Қасым-Жомарт Тоқаев Air Astana компаниясының бас атқарушы директоры Питер Фостерді қабылдады, – деп хабарлайды 7-su.kz ақпараттық порталы.
Кездесу барысында авиация саласын дамыту мәселелері талқыланды. Президент Air Astana компаниясының Еуразиядағы жетекші әуе тасымалдаушылардың біріне айналуына Питер Фостердің елеулі үлес қосқанын атап өтті. 
Әңгімелесу кезінде Қазақстан мен АҚШ арасында тікелей әуе қатынасын ашу перспективасы және осы рейстерді жүзеге асыру үшін алыс қашықтыққа ұшатын әуе кемелерін сатып алу мәселелері қарастырылды.
Мемлекет басшысы отандық авиация саласының бәсекеге қабілеттілігін одан әрі арттырудың маңыздылығына тоқталды.
