Қазақстан Республикасы Үкіметінің қаулысымен Рустам Әли Мәдениет және ақпарат вице-министрі қызметіне тағайындалды, – деп хабарлайды 7-su.kz ақпараттық порталы.
Рустам Әли 1984 жылы Алматы облысында дүниеге келген. Әл-Фараби атындағы Қазақ ұлттық университетін және І. Жансүгіров атындағы Жетісу мемлекеттік университетін тәмамдаған.
Еңбек жолын 2006 жылы «Деловая неделя» газетінде тілші болып бастаған. 2006-2011 жылдары аталған басылымда тілші, редактор, бас редактордың орынбасары қызметтерін атқарды.
2011–2012 жылдары «Жетісу жастары» жастар орталығы» мемлекеттік коммуналдық қазыналық кәсіпорнының директоры болды. 2012 жылы Алматы облысы жастар саясаты орталығының директоры қызметін атқарды. Сол жылы Алматы облысы Қайнарлы ауылдық округінің әкімі болып тағайындалды.
2012-2016 жылдары Алматы облысы жастар саясаты мәселелері басқармасында бөлім басшысы, кейін басқарма басшысы қызметін атқарды.
2016-2020 жылдары Алматы облысы ішкі саясат басқармасының басшысы болды. 2020-2021 жылдары Алматы облысы әкімінің орынбасары қызметін атқарды.
2021-2022 жылдары Алматы облысы Ескелді ауданының әкімі болды. 2022–2023 жылдары Жетісу облысы әкімінің орынбасары қызметін атқарды.
2024 жылдан бастап осы уақытқа дейін Қазақстан Республикасы Мәдениет және ақпарат министрлігінің Архив, құжаттама және кітап ісі комитетінің төрағасы болды.
