Мемлекет басшысы Қасым-Жомарт Тоқаев Испания Королі VI Фелипеге туған күніне орай құттықтау жеделхатын жолдады, – деп хабарлайды 7-su.kz ақпараттық порталы.
Президент жеделхатында Қазақстан мен Испания арасындағы берік достыққа, сындарлы саяси диалог пен өзара тиімді сауда-экономикалық байланыстарға негізделген стратегиялық серіктестіктің дәйекті түрде дамып келе жатқанын атап өтті.
Сондай-ақ Қасым-Жомарт Тоқаев ынтымақтастықты тереңдетудің мол әлеуетін тиімді пайдалана отырып, қазақ-испан қарым-қатынастарын жаңа әрі сапалы деңгейге көтеруге мүдделі екенін жеткізді.
Мемлекет басшысы Король VI Фелипеге аса жауапты қызметінде толайым табыс, ал Испания халқына бақ-береке тіледі.
