Қасым-Жомарт Тоқаев пен Токио қаласының губернаторы Юрико Коикэ цифрландыру, Smart city технологияларын дамыту, қаланы орнықты басқару және жасанды интеллектіні енгізу бағыттарындағы ынтымақтастық мәселелерін талқылады.
Кездесу барысында мегаполис тұрғындары мен қонақтары үшін жайлы, экологиялық таза, қауіпсіз әрі инклюзивті қалалық орта қалыптастыру мәселесіне ерекше назар аударылды. Мемлекет басшысы қаланы басқару жүйесіне жасанды интеллектіні енгізу ісінде Қазақстан мен Жапония астаналары арасындағы өзара ықпалдастықтың әлеуеті жоғары екенін атап өтті.
Сондай-ақ Қасым-Жомарт Тоқаевқа Токио қаласының Smart city тұжырымдамасы таныстырылды. Жоба халықтың тұрмыс сапасын арттыруға, қаланы басқару тиімділігін күшейтуге және орнықты дамуды қамтамасыз ету үшін озық технологияларды кеңінен қолдануға бағытталған.
«Жетісу-Ақпарат»
