Қазақстан Республикасы Үкіметінің қаулысымен Бахтияр Абайұлы Мұхаметқалиев Қазақстан Республикасының жасанды интеллект және цифрлық даму вице-министрі қызметіне тағайындалды.
Бұл туралы 7-su.kz ақпараттық порталы хабарлайды.
Ресми ақпаратқа сәйкес, тағайындау туралы хабарлама 2026 жылғы 2 ақпанда жарияланған.
Бахтияр Мұхаметқалиев 1990 жылғы 1 шілдеде Алматы облысы Бостандық ауданында дүниеге келген. Ол Тұрар Рысқұлов атындағы Қазақ экономикалық университетін және Сәкен Сейфуллин атындағы Қазақ агротехникалық университетін тәмамдаған.
Еңбек жолын 2010 жылы Алматы қаласында «Қазпошта» АҚ-да бас маман қызметінен бастаған. 2010-2020 жылдар аралығында осы мекемеде АТ-инфрақұрылым жөніндегі атқарушы директор, сондай-ақ E-commerce департаментінің директоры лауазымдарын қоса алғанда, түрлі қызметтер атқарған.
2021-2022 жылдары — «Азаматтарға арналған үкімет» мемлекеттік корпорациясы» КеАҚ басқарушы директоры болды.
2022-2023 жылдары — ҚР Премьер-министрі кеңсесінің Бақылау және құжаттамалық қамтамасыз ету бөлімін басқарды.
2023-2025 жылдары — ҚР Үкіметі аппаратының осы бөлімінің меңгерушісі қызметін атқарды.
2025 жылдың мамыр айынан бастап тағайындалғанға дейін Жасанды интеллект және цифрлық даму министрлігінің «Цифрлық үкіметті қолдау орталығы» ШЖҚ РМК бас директоры қызметін атқарған.
