Талдықорған қаласының полиция басқармасында интернет-алаяқтық қылмыстарын тергеу мәселелеріне арналған арнайы жұмыс кездесуі өтті, – деп хабарлайды Polisia.kz.
Басқосуға қалалық мамандандырылған тергеу сотының өкілі, прокуратураның сотқа дейінгі тергеп-тексеру басқармасының жетекшісі, Жетісу облысы ПД-нің киберқылмысқа қарсы іс-қимыл басқармасы және жедел-тергеу бөлімшелерінің мамандары қатысты.
Кездесу барысында интернет-алаяқтықты ашу мен тергеудің тиімді тетіктері талқыланып, цифрлық іздерді жинау, интернет-ресурстармен жұмыс ерекшеліктері, банктер мен онлайн-платформалар арқылы ақпарат алмасуды жеделдету мәселелері көтерілді. Спикерлердің айтуынша, киберқылмыс – қылмыстық қызметтің ең жылдам өзгеретін және күрделеніп отырған түрлерінің бірі. Сондықтан мұндай деректерді құжаттау кәсіби біліктілікті, құқықтық нормаларды терең білуді және тергеудің әр кезеңінде заңдылықты қатаң сақтауды талап етеді.
https://youtu.be/gsuFxqDk-fw
Жиында ведомствоаралық өзара іс-қимылды күшейтудің маңызы ерекше атап өтілді. Осы орайда қатысушылар Президент Қасым-Жомарт Тоқаевтың: «Заң баршаға бірдей қатаң болуы тиіс, ал мемлекеттік органдар әділдік пен қауіпсіздікті қамтамасыз етіп, халыққа қызмет етуге міндетті» деген сөздерін еске салды. Бұл қағида киберқылмысқа қарсы әрекеттің негізгі бағыттарын айқындап берді.
Кездесу интернет-алаяқтықты анықтау деңгейін арттыру, азаматтарды цифрлық ортадағы қауіп-қатерлерден қорғау, сондай-ақ тәжірибе алмасуды жалғастырып, бірлескен жұмысты күшейту жөніндегі ортақ келісіммен аяқталды.
