Бүгін, 22 қаңтарда, Швейцарияның Давос қаласындағы Конгресс орталығында әлемдік саясат үшін маңызды тарихи оқиға өтіп жатыр. Қазақстан Президенті Қасым-Жомарт Тоқаев АҚШ Президенті Дональд Трамптың бастамасымен құрылған Бейбітшілік кеңесінің (Board of Peace) Жарғысына қол қою рәсіміне келді, – деп хабарлайды 7-su.kz ақпараттық порталы.
«Санаулы сәттерден кейін мұнда АҚШ президенті Дональд Трамптың бастамасымен құрылған Бейбітшілік кеңесінің жарғысына қол қою рәсімі өтеді», — деп жазылған хабарламада.
Еске салайық, бұған дейін Қасым-Жомарт Тоқаев Дональд Трамптан Газа бойынша құрылатын Бейбітшілік кеңесі құрамына кіруге ресми шақырту алғаны, ал Қазақстанға құрылтайшы мемлекеттердің бірі болу ұсынылғаны хабарланды.
АҚШ президенті Газа бойынша Бейбітшілік кеңесін құрып жатыр. Құрылтайшы елдер ретінде қатысуға шақырту бірқатар мемлекеттің басшыларына жіберілген.
