Қасым-Жомарт Тоқаев Германия Федеративтік Республикасының президенті Франк-Вальтер Штайнмайерге құттықтау жеделхатын жолдады, – деп хабарлайды 7-su.kz ақпараттық порталы.
Мемлекет басшысы Германия бірлігі күнінің 35 жылдығымен құттықтап, бұл мерекенің ел тарихындағы ерекше маңызын атап өтті. Президенттің айтуынша, бүгінде Германия әлемдік аренада беделді әрі ықпалды мемлекет ретінде танылып отыр.
Қасым-Жомарт Тоқаев екіжақты ынтымақтастықтың қарқынды дамып келе жатқанын ерекше бағалап, Қазақстан мен Германия арасындағы стратегиялық серіктестік алдағы уақытта да нығая беретініне сенім білдірді.
