COVID-19 пандемиясы экономиканың барлық салаларына әсер еткендіктен, онлайн құралдар қазіргі жаһандық контексте жаңа мансап жолдарын ашты. Күн сайын көптеген жаңа мамандықтар пайда болып, ал кейбіреулері цифрлық дәуірге бейімделуде.
Осылайша, еңбек нарығына кіргісі келетіндер үшін жаңа технологиялардың болашақ мамандықтарға қалай әсер ететінін білу өте маңызды. Сондықтан біз сізді осы болжамдар мен өзгерістер туралы хабардар болуға шақырамыз. Болашақ мамандықтар туралы айтқанда, бұл жай ғана болжам екеніне назар аудару керек.
Сұранысқа ие мамандықтар жайлы ғылыми жобаларды жүзеге асырып жатқан мекеменің мысалы ретінде Cognizant’s for Future of Work Center-ді алсақ болады. Зерттеу нәтижелерінің қорытындысы бойынша көш бастап тұрған 3 мамандық: деректер талдаушысы, кибершабуыл агенті және клиенттермен жұмыс жасайтын маман.
Деректер талдаушысы. Трендтер біздің өмірімізге күн сайын енетін деректер мен ақпараттың көлемі арта беретінін көрсететіндіктен, деректер талдаушысы — көптеген компаниялар қажет ететін, аса сұранысқа ие маман. Көп жағдайларда аталмыш маман иесіне деректердің барлық түрлерін жинау және талдау міндеті жүктеледі. Олардың мақсаты – интернеттегі деректер мен ақпаратты талдау, компания жобаларын жетілдіру және оның өсуін қамтамасыз ету. Командада интернет деректерінің үлкен көлемін өндіре алатын маманның болуы арқылы компания жаңа мүмкіндіктерді бағалай алады және өзінің бизнес стратегияларын жасай алады.
Кибершабуыл агенті. Қазіргі уақытта көптеген күнделікті әрекеттер онлайн режимде орындалады. Адамдар интернетте тауарлар мен қызметтерді сатады және сатып алады, қызметтерге ақы төлейді, банк шоттарын басқарады және т.б. Сондықтан Интернет бизнесті жүргізу үшін қауіпсіз орта болуын қамтамасыз ету өте маңызды. Осылайша, кибершабуыл агенті болашақта ең сұранысқа ие мамандардың біріне айналады. Бұл салаға қадам басқыңыз келсе, онлайн жүйелерді қорғау және хакерлерді анықтау туралы біліміз болғаны абзал.
Клиенттермен жұмыс жасайтын маман. Бұл маманның негізгі мақсаты — сатып алынған немесе сатып алынатын белгілі бір өнім немесе қызмет бойынша тұтынушыларға жан-жақты қолдау көрсету. Тұтынушыларға қызмет көрсету агенті бизнес пен тұтынушы арасындағы анық байланысты қамтамасыз етуге жауапты. Компанияда мұндай мамандардың болуының пайдасы анық – олар тұтынушыларға білікті қызмет көрсетеді, олардың брендке деген сенімінің пайда болуына ықпал етеді. Көптеген интернет-дүкендер әртүрлі байланыс арналарын пайдаланатын бүгінгі күні де бұл мамандықтың рөлі өте маңызды.
Аяна Ермуханбетова,
І.Жансүгіров атындағы Жетісу университетінің 4 курс студенті
Фото: stan.kz-тен алынды
