«Nur Otan» партиясының Алматы облыстық филиалы Ұлыстың ұлы күнін атап өтті. Бұл туралы «Жетісу» газеті хабарлады.
Ұлыстың ұлы күні — 22 Наурыз мерекесіне орай, Алматы облыстық партия филиалының ұжымы карантиндік талаптарға сай іс-шара өткізді.
Өз құттықтау сөзінде облыстық партия филиалы төрағасының бірінші орынбасары Г.Тойлыбаева: «Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласында Наурыз мейрамының мазмұнын одан әрі байыту керектігін айтқан еді. Наурыз мейрамын тойлауға байланысты іс-шараларды 10-24 наурыз аралығында 10 күн бойына өткізу жоспарланған. Осы ретте, ұлттық құндылықтарымыз бен дәстүрлерімізді жаңғыртудың маңызы өте зор. Ендеше Ұлыстың ұлы күні Наурыз мерекесі қарсаңында әріптестеріме тілерім береке-бірлігіміз артып, әр отбасына амандық, еңбектеріңізге зор табыс тілеймін!» — деп атап өтті.
Шара жалғасы күмбірлеген күй және әсем бимен жалғасып, Наурыз мерекесінің сәнін келтірді. Шара қорытындысы ақ бата берумен жалғасып, ізгі құттықтаулармен тәмамдалды.
«ЖЕТІСУ-АҚПАРАТ»
