27 ақпанда өткен «Ауыл» партиясы саяси кеңесі төралқасының отырысында Жигули Дайрабаев партия төрағасының орынбасары қызметінен босатылды. Бұл туралы партияның баспасөз қызметі мәлімдеді, — деп хабарлайды 7-su.kz желілік басылымы Massaget.kz сайтының дерегіне сүйеніп.
Баспасөз қызметі мәліметінше, бұл шешімді партияның саяси кеңесінің мүшелері бірауыздан қабылдаған.
Жигули Дайрабаев — 2023 жылдан бастап «Ауыл» партиясынан VIII шақырылған ҚР Парламенті Мәжілісінің депутаты.
Дайрабаев туралы не белгілі?
Айта кетейік, депутат Қазақ ауылшаруашылығы институтын ғалым агроном мамандығы бойынша тәмамдаған.
Әртүрлі қызметтер атқарған:
2015-2019 жылдары — «Қазақстан фермерлер одағы» ҚБ-ның Жамбыл облыстық филиалының төрағасы;
2019 жылы желтоқсаннан бастап «Қазақстан фермерлер одағы» ҚБ президенті;
2020 жылы маусымнан бастап Қазақстан фермерлері қауымдастығының басқарма төрағасы;
2022 жылғы маусымнан бастап «Атамекен» Қазақстан Республикасы Кәсіпкерлер палатасы Агроөнеркәсіптік кешенінің комитет төрағасы;
2022 жылы желтоқсаннан бастап «Ауыл» ХДП төрағасының орынбасары (партияның 2022 жылғы 23 желтоқсандағы съезінде сайланған);
2021 жылы Жер реформасы жөніндегі республикалық комиссия төрағасының орынбасары болып сайланды.
Жалпы еңбек өтілімі 52 жылдан асады, оның 49 жылы басшылық қызметте.
Фото: t.me/mazhilis_kz
