Талдықорғанның ең қарт тұрғыны, ғасыр куәгері Исхан Оразбекова арнайы референдум учаскесіне келіп, өз таңдауын жасап, артынша жиналғандарға батасын беріп, елдің амандығын тіледі.
Ел тарихындағы талай кезеңнің куәсі болған әже бүгінгі бейбіт әрі тұрақты өмірдің қадірін ерекше атап өтті.
Ақ жаулықты ана:
– Еліміз аман, жұртымыз тыныш болсын. Бірлігіміз бекем, болашағымыз жарқын болсын. Жастарымыз елін сүйіп, халқына қызмет ететін азаматтар болсын, – деп батасын берді.
Айта кетейік, бүгінде Талдықорған қаласында ғасыр жасаған үш қария тұрады. Солардың бірі Исхан Оразбекова.
