Бүгін, 19 наурызда шетелден Қырғызстанға ұшып келген ҰҚМК-ның бұрынғы төрағасы Қамшыбек Тәшиев Қырғыз Республикасы Ішкі істер министрлігінің Бас тергеу басқармасына жеткізілді.
Ақпаратқа сәйкес, оқиға таңғы сағат 10:00 шамасында болған. Қазіргі уақытта Қамшыбек Тәшиев ІІМ-нің Бас тергеу басқармасы ғимаратында жауап алу үшін отыр.
Еске салайық, Қамшыбек Тәшиев биыл 17 ақпанда Қырғызстаннан кеткен болатын. Бұған дейін, 10 ақпанда Қырғызстан президенті Садыр Жапаров жарлыққа қол қойып, оған сәйкес Тәшиев министрлер кабинеті төрағасының орынбасары – Ұлттық қауіпсіздік мемлекеттік комитетінің төрағасы қызметінен босатылған еді. Сол кезде ол Германияда ем қабылдап жатқан.
13 ақпанда Тәшиев Қырғызстанға оралып, емін аяқтамай елге келуге мәжбүр болғанын мәлімдеген. Алайда төрт күннен кейін қайтадан шетелге шығып кеткен.
Дереккөз: Kaktus.media
