13 қаңтар дүйсенбіден бастап қазақстандықтарға мемлекеттік кірістер органдары тарапынан қалыптастырылған құжаттар келе бастады, — деп хабарлайды Massaget.kz тілшісі Мемлекеттік кірістер комитетіне сілтеме жасап.
Мемлекеттік кірістер комитеті жаңа салық әкімшілігі жүйесін (ИСНА) кезең-кезеңмен енгізіп жатыр, соның ішінде жаңа Салық төлеушінің кабинеті. 2025 жылғы 13 қаңтардан бастап СӘИЖ СТК-не мемлекеттік кірістер органдары қалыптастыратын құжаттар жіберілетін болады, атап айтқанда:
- Қазақстан Республикасының салық заңнамасында белгіленген мерзімде салықтық есептіліктің ұсынылмауы туралы хабарлама;
- Салықтық берешекті өтеу туралы хабарлама;
- Кедендік төлемдер, салықтар, арнайы, демпингке қарсы, өтемақы баждары, өсімпұлдар, пайыздар бойынша берешекті өтеу туралы хабарлама;
- Дебиторлардың банктік шоттардағы ақшасына өндiрiп алуды қолдану туралы хабарлама;
- Мемлекеттік кірістер органының салық төлеушінің (салық агентінің), төлеушінің кассасы бойынша шығыс операцияларын тоқтата тұру туралы өкім;
- Әлеуметтік аударымдар бойынша берешек сомасы туралы хабарлама;
- Аударымдар және (немесе) жарналар бойынша берешек сомасы туралы хабарлама;
- Мемлекеттік кірістер органының салық төлеушінің (салық агентінің), төлеушінің кассасы бойынша шығыс операцияларын тоқтата тұру туралы өкім;
- Касса бойынша шығыс операцияларын бастау туралы өкім;
- Салық төлеушінің (салық агентінің) салық берешегінің, төлеушінің кедендік төлемдер, салықтар, арнайы, демпингке қарсы, өтем баждардың, өсімпұлдардың, пайыздардың есебіне мүлікке билік етуін шектеу туралы шешім;
- Салық төлеушінің (салық агентінің) салық берешегінің, төлеушінің кедендік төлемдер, салықтар, арнайы, демпингке қарсы, өтемақы баждары, өсімпұлдар, пайыздар есебіне мүлікке билік етуді шектеу туралы шешімнің және мүлік тізімдемесі актісінің күшін жою туралы шешім;
- Әлеуметтік аударымдарды төлеушінің кассасы бойынша шығыс операцияларын тоқтата тұру туралы өкім;
- Агенттің кассасы бойынша шығыс операцияларын тоқтата тұру туралы өкім;
- Аударымдарды және (немесе) жарналарды төлеушінің кассасы бойынша шығыс операцияларын тоқтата тұру туралы өкім;
- Қазақстан Республикасының салық заңнамасын бұзушылықтарды жою туралы хабарлама;
- Жеке тұлғалардың салықтық берешегі туралы хабарлама;
- Қоршаған ортаны қорғау саласындағы уәкілетті мемлекеттік орган мәліметтері негізінде қоршаған ортаға эмиссиялар үшін төлемақының есептелген сомасы туралы хабарлама.
«2025 жылдың 13 қаңтарынан бастап жіберген құжаттар тек СӘИЖ СТК-да мына сілтеме бойынша https://knp.kgd.gov.kz қолжетімді болатынына және ескі Салық төлеушілер кабинетіне қоса жіберілмейтініне назар аударамыз. Жаңа хабарландыруларды ескі СТК-ің «Хабарландыру журналы» бетіндегі сілтеме арқылы да көруге болады. Бұл ретте, бұрын келіп түскен құжаттарды қарау Салық төлеушінің ескі кабинетінің Хабарламалар журналында қолжетімді болып қалатынын ескертеміз (https://cabinet.kgd.gov.kz). СӘИЖ СТК-де тіркелу және жұмыс істеу бойынша бейне нұсқаулықтар комитеттің Youtube каналында https://youtu.be/zqNI6w5NJpw?feature=shared сілтеме бойынша орналастырылған», — деп жазылған хабарламада.
СӘИЖ салықтөлеушінің кабинетінде жұмыс істеу жөніндегі Пайдаланушы нұсқаулығы СӘИЖ салықтөлеуші кабинетінің Қолдау — Көмек — Анықтамалық ақпарат бөлімінде орналастырылған.
Фото: gov.kz
