Ешкіөлмес ауылының тұрғыны алаяқтық қылмысының жедел ашылып, күдіктінің ұсталғаны үшін полиция қызметкерлеріне алғысын білдірді.
2025 жылдың 9 қыркүйегінде жәбірленушінің арызы негізінде алаяқтық фактісі бойынша қылмыстық іс қозғалды. Тергеу барысында анықталғандай, ағымдағы жылдың 3 тамызында белгісіз азамат өзін Бірыңғай жинақтаушы зейнетақы қорының қызметкері ретінде таныстырып, TikTok қосымшасы арқылы сенімді теріс пайдалану жолымен жәбірленушінің 470 мың теңгесін иемденген.
Жедел-іздестіру іс-шараларының нәтижесінде полицейлер күдіктіні — Шымкент қаласының тұрғынын анықтап, ұстады. Ол тергеу амалдарын жүргізу үшін полиция бөліміне жеткізілді.
Аталған істі Ескелді ауданы ПБ тергеу бөлімінің тергеушісі, полиция лейтенанты Бекет Дамир Тәттімбетұлы мен ОКП аға жедел уәкілі Сенбай Өмірбек Қайратұлы жүргізіп жатыр.
Ауыл тұрғыны полицейлердің кәсібилігі мен жедел әрекетін ерекше атап өтті.
