Талғар ауданында Хасан Қасымбаев пен оның серіктестеріне қатысты сот ісі аяқталуға таяды. Бүгін басты айыпталушы сотта соңғы сөзін айтты, деп хабарлайды 7-su.kz ақпарттық порталы.
Прокурор Ерлан Құланбаев Қасымбаевты адам ұрлады және соққыға жықты деген айып бойынша кінәлі деп танып, оны 15 жылға бас бостандығынан айыруды сұрады. Қалған айыпталушыларға тоғыз жыл түрме жазасы ұсынылды.
Қасымбаев өзіне тағылған айыптарды жоққа шығарып, істің қолдан жасалғанын айтты. Оның сөзінше, ол қоғам наразылығын басу үшін «ыңғайлы кінәліге» айналған. Адвокат Ерлан Мендешев те істің саяси және қоғамдық қысыммен қозғалғанын мәлімдеді.
Сот ғимараты алдында Талғар тұрғындары жиналып, прокурордың талабына наразылық білдірді. Үкім жақында шығарылады.
