Елімізде жүзеге асып жатқан референдумда Кербұлақ ауданындағы шешен-ингуш этно-мәдени бірлестігінің өкілдері де өз таңдауын жасады. Калим Жаханов Тастыбастау ауылындағы 207 дауыс беру учаскесінде жарқын болашақ үшін дауыс берді, – деп хабарлайды 7-su.kz ақпараттық порталы
Оның айтуынша, елдің өркендеуі үшін және ұрпағының дамыған іргелі елде өмір сүруі үшін өз таңдауын жасаған.
– Елдің бірлігі мен қоғамдағы сенімділікті нығайту, демократиялық құндылықтарды дәріптеу, азаматтық жауапкершілікті арттыру – осындай маңызды кезеңнің басты мәні. Мұндай тарихи әрекет әр азаматтың мемлекет болашағына қосқан үлесін айқын көрсетеді, азаматтық борыш пен патриотизмнің нақты көрінісі, – деді Калим Жаханов.
Этно-мәдени бірлестік өкілдері референдумда өз таңдауын жасау арқылы елдің даму жолында белсенді азаматтық ұстанымның, патриоттық сезімнің және тарихи жауапкершіліктің айқын үлгісін көрсетті.
