Кентау қаласында жаңа туған нәрестенің денесі табылуына байланысты қылмыстық іс қозғалды, – деп хабарлайды 7-su.kz ақпарттық порталы Dalanews.kz сайтына сілтеме жасап.
Бұл дерек бойынша қазір баланың анасын анықтауға бағытталған жедел іздестіру іс-шаралары жүргізіліп жатыр.
«Полиция қызметкерлері аумақтарды аралап, бейнебақылау камераларының жазбаларын зерделеп, сондай-ақ, жақын орналасқан үйлердің тұрғындарымен және ықтимал куәгерлермен сұхбат жүргізіп жатыр. Бұдан бөлек, медициналық мекемелер де кешенді түрде тексеріліп жатыр», – деп жазылған хабарламада.
Барлық мән-жайды анықтау мақсатында қажет тергеу әрекеттері жалғасып жатыр. Тергеу нәтижелері бойынша заңға сәйкес тиісті шешім қабылданатыны айтылды.
