Ағымдағы жылдың ақпан айында әскери бөлімде жеке құрам арасында заңдылық пен құқықтық тәртіпті нығайтуға бағытталған кешенді профилактикалық іс-шаралар өткізілді, – деп хабарлайды 7-su.kz ақпараттық порталы.
Аталған жұмыстың бастамашысы әрі ұйымдастырушысы 5514 әскери бөлімінің әскери полиция бөлімшесінің бастығы майор Гафуров А.М. болып, іс-шаралар Қазақстан Республикасы Ішкі істер министрлігі қарасты Әскери-тергеу басқармасы Талдықорған бөлімінің аға жедел уәкілі капитан Макашев О.О. және жедел уәкілі майор Көпбаев А.С.-пен бірлесіп ұйымдастырылды.
Іс-шаралардың негізгі мақсаты – құқықбұзушылықтардың алдын алу, әскери қызметшілердің құқықтық сауаттылығын арттыру, заңнама талаптары мен әскери жарғыларды сақтау бойынша жеке жауапкершілікті қалыптастыру болды.
Профилактикалық жұмыс аясында жеке құрамның әртүрлі санаттарымен — офицерлермен, келісімшарт бойынша әскери қызметшілермен және мерзімді қызмет сарбаздарымен кездесулер мен түсіндіру әңгімелері ұйымдастырылды. Диалогтық алаңдар барысында әскери тәртіпті сақтау, жалпыәскери жарғылар талаптарын орындау, жарғылық емес қарым-қатынастарға жол бермеу, сыбайлас жемқорлық көріністерінің алдын алу, сондай-ақ құқықбұзушылықтар үшін көзделген жауапкершілік мәселелеріне ерекше назар аударылды.
Офицерлік құраммен өткізілген кездесулерде бөлімшелердегі тәртіптің жай-күйіне командирлердің жеке жауапкершілігі, әскери ұжымдардағы жағымсыз факторларды дер кезінде анықтау және олардың алдын алу мәселелері кеңінен талқыланды. Келісімшарт бойынша әскери қызметшілерге олардың құқықтық мәртебесі, қызметтік жауапкершілігі және әскери тәртіпті бұзудың жол берілмейтіндігі түсіндірілді. Мерзімді қызмет сарбаздарымен әскери қызмет жағдайына бейімделу, ішкі тәртіп ережелерін сақтау және мінез-құлық нормаларын ұстану мәселелері бойынша қосымша профилактикалық әңгімелер жүргізілді.
Талдықорған қаласының Әскери-тергеу басқармасы өкілдері әскери және жалпы қылмыстық құқықбұзушылықтар жасағаны үшін жауапкершілікке тарту тәртібін жан-жақты түсіндіріп, тәжірибеден нақты мысалдар келтірді. Бұл жеке құрамның құқыққа қарсы әрекеттердің салдарын тереңірек түсінуіне мүмкіндік берді.
Іс-шаралар ашық диалог форматында өтті. Әскери қызметшілер өздерін толғандырған сұрақтарын қойып, білікті түсіндірмелер мен ұсынымдар алды. Мұндай өзара іс-қимыл форматы сенімді қарым-қатынасты қалыптастыруға, қызметтік тәртіпті нығайтуға және әскери ұжымдағы құқықтық мәдениетті арттыруға ықпал етеді.
Жүргізілген жұмыстың қорытындысы бойынша жеке құрамның құқықтық хабардарлық деңгейінің артқаны, тәртіп пен заң талаптарын сақтау жауапкершілігінің күшейгені атап өтілді. Бөлім басшылығы құқықбұзушылықтардың алдын алу және құқықтық тәртіпті сақтау қызметтік қызметтің басым бағыттарының бірі болып қала беретінін атап өтті.
Аталған бағыттағы жұмыс алдағы уақытта да жалғасатын болады. Себебі жүйелі тәсіл, әрбір әскери қызметшінің жеке жауапкершілігі және заң талаптарын мүлтіксіз сақтау ғана Қазақстан Республикасы Ұлттық ұланы жауынгерлік әзірлігінің және беделінің берік негізі болып табылады.
