Талдықорған: +15°C
$ 443.96
€ 487.73
₽ 5.38
  • Комплаенс қызметі
  • Сыбайлас жемқорлық картограммасы
Advertisement
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР РУХАНИЯТ

Кітап күні кең көлемде тойланды

23 сәуір 2026
РУХАНИЯТ, КҮНДЕРЕК
Кітап күні кең көлемде тойланды

Қанат Умиралинов

WhatsAppTelegramFacebook

Талдықорған қаласындағы «City Plus» орталығында Ұлттық кітап және кітапханашылар күні кең көлемде аталып өтті. Жетісу облыстық С. Сейфуллин атындағы орталық кітапхананың бастамасымен ұйымдастырылған «Кітап – ұлттың ұлы байлығы» атты мәдени іс-шара өңір тұрғындары мен зиялы қауым өкілдерінің, ақын-жазушылар, өнер қайраткерлері және жастардың басын қосты. Кеш шымылдығы бүлдіршіндердің «Кел, досым, кітапханаға» әнімен түріліп, мерекелік көңіл-күй бірден сезілді.

Іс-шара мазмұны танымдық және мәдени бағыттағы бағдарламалармен толықты. Қатысушылар арасында ұйымдастырылған сұрақ-жауап ойындары кітап пен әдебиетке деген қызығушылықты арттыруға бағытталса, облыстық филармонияның өнерпаздары кеш көркін аша түсті. Сонымен қатар, баспа үйлері ұсынған кітап жәрмеңкесі оқырманға кең таңдау ұсынып, түрлі жанрдағы екі мыңнан астам кітап көпшілік назарына ұсынылды. «Ой. Рух. Ақыл: Ұлы дала ойшылдары» атты көрме мен мотивациялық және психологиялық бағыттағы кітаптар көрмесі де келушілердің қызығушылығын тудырды.

Кештің маңызды сәттерінің бірі – Жетісулық «JANR» әдеби клубының «Жайдары жаз…» атты антологиясының тұсаукесері болды. Тұсаукесерге ақын, халықаралық «Алаш» әдеби сыйлығының иегері Әміре Әрін, Қазақстанның құрметті жазушысы Нүсіпбай Әбдірахым және облыстық мәдениет, архивтер және құжаттама басқармасының басшысы Қуаныш Сүлейменов қатысып, жаңа жинақтың оқырманға жол тартуына ақ тілектерін білдірді. Мерекенің маңызын атап өтіп, кітап оқу мәдениетін қалыптастыру бағытындағы жұмыстардың жалғасып жатқанын жеткізді. Жиында сөз алған Қуаныш Сүлейменов:

– Ұлттық кітап және кітапханашылар күні – руханиятымызды ұлықтайтын, ұлттың зияткерлік әлеуетін айқындайтын маңызды мереке. Бүгінгі ұйымдастырылып отырған іс-шара – кітапқа деген құрметтің, оқырман мәдениетін қалыптастыру жолындағы жүйелі еңбектің нақты көрінісі. Қазіргі таңда кітапханалар тек кітап сақтайтын орын ғана емес, заманауи білім мен технология тоғысқан рухани орталыққа айналып келеді. Сонымен қатар «Кітап сыйла» акциясы аясында кітапхана қорлары жаңа туындылармен толықтырылып жатыр. Бұл – оқырман санын арттыруға, жастардың кітапқа деген қызығушылығын оятуға бағытталған маңызды қадам. Алдағы уақытта да кітап оқу мәдениетін дамыту бағытындағы жұмыстар жалғасын таба береді. Баршаңызды мерекемен құттықтаймын!, – деді ол.

Басқосуда Қазақстан Жазушылар одағы Жетісу облыстық филиалының өкілі Жангелді Немеребай, Қазақстанның құрметті жазушысы Қайрат Бестібай, жазушы әрі «Janr» Жетісу әдеби клубының президенті Есболат Айдабосын да сөз сөйлеп, әдебиет пен кітаптың қоғамдағы орнына тоқталды.

Сондай-ақ, іс-шара аясында «Кітапханаға кітап сыйла» акциясы ұйымдастырылып, кітапхана қоры 400-ден астам жаңа кітаппен толықты. Белсенді оқырмандар мен авторлар өз туындыларын тарту етіп, рухани қазынаның артуына үлес қосты. Сонымен бірге кітап саудасы да қызу өтті. «Байлық кітапта» дүкені 70-ке жуық кітап ұсынып, келушілер сұранысына ие болса, «Saybook.kz» кітап дүкені әкелген 150 кітаптың 40-қа жуығын сатты. Дүкен иесі Сая Нұрболатова бұл істі негізгі мамандығымен қатар дамытып отырғанын атап өтті, ал «Байлық кітапта» дүкенінің қызметкері Әйгерім Рақыш оқырмандарға 2018 жылдан бері қызмет көрсетіп келе жатқандарына айтты.

Мерекелік бағдарламада заманауи технологиялар да назардан тыс қалмады. І. Жансүгіров атындағы Жетісу университетінің студенттері жасанды интеллект көмегімен ертегілерді сюжеттік форматта ұсынып, балалардың ойлау қабілетін дамытуға бағытталған жобаларын таныстырды. Smart жүйелерді жобалау мамандығының 3 курс студенттері Асылбек Оразбаев пен Бексұлтан Мизамов бұл бағыттың болашақта сұранысқа ие болатынын атап өтті.

Шара аясында «Quizizz» платформасы арқылы интеллектуалды ойындар, «Жұбын тап» сайысы, шахмат, дойбы, тоғызқұмалақ, робототехника, қолөнер және поэзиялық батл сияқты интерактивті бөлімдер ұйымдастырылып, қатысушылардың белсенділігі артты. Сонымен қатар, жасанды интеллект тақырыбында арнайы презентация ұсынылып, оның білім беру мен мәдениет саласындағы мүмкіндіктері кеңінен таныстырылды.

Кеш соңында кітаптың қоғамдағы орны мен маңызы тағы бір мәрте айқындалып, қатысушылар рухани әсермен тарқасты. Ұлттық кітап күні аясындағы бұл ауқымды шара өңірдегі әдеби-мәдени өмірдің жандануына серпін беріп, кітапқа деген қызығушылықтың арта түскенін көрсетті.

Санжар СҰЛТАНҒАЗЫ

Қатысты жаңалықтар

Дрондар додасы:  мемлекеттік органдар арасында ауқымды жарыс өтті

Дрондар додасы: мемлекеттік органдар арасында ауқымды жарыс өтті

Бүгін, 20:31
Қазақстан Тәуелсіздігінің 35 жылдығына дайындық қарқынды жүргізілуде

Қазақстан Тәуелсіздігінің 35 жылдығына дайындық қарқынды жүргізілуде

Бүгін, 19:27
Ғылым министрлігі ҚазҰУ-да кешенді мониторинг жүргізеді

Ғылым министрлігі ҚазҰУ-да кешенді мониторинг жүргізеді

Бүгін, 19:21
Еңбек ұжымдарына Жолдау міндеттері түсіндірілді

Еңбек ұжымдарына Жолдау міндеттері түсіндірілді

Бүгін, 19:13
«Әділет» партиясы: Жетісуда мәдениет саласының инфрақұрылымы жаңарады

«Әділет» партиясы: Жетісуда мәдениет саласының инфрақұрылымы жаңарады

Бүгін, 18:39

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.