Текелі қаласында Ұлттық кітап күні аясында қалалық кітапхананың ұйымдастыруымен «Оқы. Ойлан. Бөліс» атты рухани шара өтті, – деп хабарлайды 7-su.kz ақпараттық порталы.
Іс-шара барысында оқуды насихаттауға бағытталған тренд акция ұйымдастырылып, сондай-ақ «Tekeli jastary» филиалы «Book-сыйла» библио-хабы аясында қалалық кітапхана қорына 200-ге жуық туынды сыйға табыстады. Сонымен қатар «Әлемді кітаппен аш» атты көрме ұйымдастырылып, оқырмандарға жаңа әдебиеттермен танысуға мүмкіндік берді
Шараға қала мектептерінің 250 оқушысы бір мезетте қолдарына туындылар ұстап, «Ұлттық кітап күні» деген жазу құрастырды.
Бұл ерекше көрініс дрон арқылы әуеден түсіріліп, білім мен руханияттың әсем үйлесімін айқын көрсетті.
Рухани мұра – ұлттың қазынасы, ал оқитын ұрпақ – жарқын болашақтың кепілі.
