Қазіргі таңда жастардың рухани ізденісі қоғамдағы өзекті мәселелердің біріне айналып отыр. Ғылым мен технологияның қарқынды дамуы, ақпараттық кеңістіктің кеңеюі жас буынның дүниетанымына айтарлықтай әсер етуде. Осындай кезеңде әрбір жас өзінің өмірлік мақсатын анықтап, дұрыс бағытты таңдап, рухани тұрғыдан кемелденуге ұмтылады.
Рухани ізденіс – адамның өзін тануға, өмірдің мәнін түсінуге және ішкі жан дүниесін байытуға деген талпынысы. Әсіресе жастар кезеңінде адам көптеген сұрақтарға жауап іздейді: «Мен кіммін?», «Өмірдегі мақсатым қандай?», «Қалай бақытты өмір сүруге болады?». Бұл сұрақтарға дұрыс жауап табу үшін жастар сенімді ақпарат көздеріне сүйеніп, рухани құндылықтарды терең түсінуге ұмтылуы қажет. Дұрыс жолды табудың ең маңызды шарттарының бірі – сапалы білім алу. Білім адамға ақиқат пен жалғанды ажыратуға, әртүрлі пікірлерді саралауға мүмкіндік береді. Діни мәселелерде де жастар ресми және білікті мамандардың түсіндірулеріне жүгінгені жөн. Себебі әлеуметтік желілер мен интернет кеңістігінде жалған немесе бұрмаланған діни ақпараттар жиі кездеседі. Мұндай ақпараттарға сын көзбен қарау – әрбір жастың міндеті.
Отбасы да рухани тәрбиенің негізгі ошағы болып табылады. Ата-ананың өнегесі, үлкендердің ақыл-кеңесі, ұлттық және дәстүрлі құндылықтар жастардың дұрыс қалыптасуына ықпал етеді. Халқымыздың салт-дәстүрлері мен мәдени мұрасы адамгершілік, сыйластық, еңбекқорлық сияқты асыл қасиеттерді дәріптейді. Сондықтан жастар ұлттық құндылықтарды сақтай отырып, заман талабына сай дамуға ұмтылғаны абзал. Ислам діні де адамды білімге, ізгілікке, сабырлылыққа және жауапкершілікке шақырады. Дәстүрлі ислам құндылықтары қоғамдағы татулық пен бірлікті нығайтуға қызмет етеді. Діннің негізгі мақсаты – адамның рухани кемелденуіне көмектесу, жақсылыққа жетелеу және қоғамға пайдалы азамат қалыптастыру.
Сондықтан жастар діни білімді сенімді дереккөздерден алып, деструктивті идеологиялар мен радикалды көзқарастардан сақ болуы қажет. Сонымен қатар спортпен шұғылдану, кітап оқу, қоғамдық жұмыстарға қатысу және пайдалы ортамен араласу да рухани дамуға оң әсерін тигізеді. Адамның қоршаған ортасы оның дүниетанымының қалыптасуына ықпал ететіндіктен, жастар өзіне жақсы үлгі болатын адамдармен қарым-қатынас орнатуы маңызды. Қорытындылай келе, жастардың рухани ізденісі – тұлғалық дамудың маңызды бөлігі. Дұрыс жолды табу үшін білімге ұмтылу, ұлттық және рухани құндылықтарды құрметтеу, сенімді ақпарат көздеріне сүйену және қоғамға пайдалы істермен айналысу қажет. Осындай қасиеттерді бойына сіңірген жас ұрпақ елдің болашағын жарқын етіп, қоғамның дамуына өз үлесін қоса алады.
С.Танысбаев
Оңалту жұмыстарын ұйымдастыру бөлімінің басшысы
