Қазақстан Президенті Қасым-Жомарт Тоқаев Түркия Республикасына ресми сапармен барды, деп хабарлайды 7-su.kz ақпараттық порталы Ақордаға сілтеме жасап.
Мемлекет басшысын Анкара қаласындағы «Есенбоға» халықаралық әуежайында Түркия Президенті Режеп Тайип Ердоған күтіп алды. Құрмет қарауылы сап түзеп, екі елдің мемлекеттік тулары көтерілді.
Әуежайда Қазақстан мен Түркия көшбасшылары қысқаша әңгімелесті.
– Қонақжайлық танытқаныңызға көп рақмет. Әуежайға келіп, мені қарсы алдыңыз. Бұл – мен үшін үлкен құрмет. Біздің арамызда ешқандай түйткіл жоқ. Бізді тек туыстық, ынтымақтастық байланыстырады. Ертең маңызды сапар болады. Сапардың бағдарламасы өте мазмұнды. Оны толық іске асырамыз деп ойлаймын, – деді Қасым-Жомарт Тоқаев.
29 шілдеде мемлекеттер басшылары қазақ-түрік стратегиялық серіктестігін нығайту жолдарын талқылап, ресми келіссөздер жүргізеді деп жоспарланған.
