Мемлекет басшысы Қасым-Жомарт Тоқаев Волонтерлер форумында сөз сөйледі, – деп хабарлайды 7-su.kz ақпараттық порталы.
Форум барысында Президент еріктілік қозғалыстың қоғамдағы рөліне ерекше тоқталып, волонтерлік қызметті жүйелі түрде дамыту қажет екенін атап өтті. Осы орайда Қасым-Жомарт Тоқаев Үкіметке еріктілер ісін дамытуға арналған, 2030 жылға дейінгі кезеңді қамтитын жаңа мазмұнды стратегиялық құжат әзірлеуді тапсырды.
«Волонтерлікті дамыту үшін мемлекет деңгейіндегі жаңа жүйелі шаралар қажет. Биыл еріктілер ісін дамытуға арналған үш жылдық Жол картасын іске асыру мерзімі аяқталады. Сондықтан Үкімет 2030 жылға дейінгі кезеңді қамтитын жаңа мазмұнды құжат әзірлегені жөн. Бұған дейін қабылданған шаралардың тиімділігіне баға беру және Қазақстанның халықаралық міндеттемелеріне сай волонтерлік қозғалысты нығайту үшін қосымша ынталандыру тетіктерін қарастыру маңызды», — деді Президент.
