Дубайда өткен UAE SWAT Challenge-2026 халықаралық турнирінде үздік нәтиже көрсеткен қазақстандық командаларды Қазақстан Президенті Қасым-Жомарт Тоқаев құттықтады, – деп хабарлайды 7-su.kz ақпараттық порталы.
Турнирде Kazakhstan C командасы абсолют жеңімпаз атанса, Kazakhstan A командасы жалпы есепте екінші орынға ие болды.
Қасым-Жомарт Тоқаев Мемлекеттік күзет қызметі, Ішкі істер министрлігі, Ұлттық қауіпсіздік комитеті қызметкерлерінен жасақталған құраманың кәсіби, физикалық, жауынгерлік даярлығы және отаншыл рухы жоғары деңгейде екенін, сондай-ақ, сарбаздардың жеңіске деген ерік-жігерін ерекше атап өтті.
48 елден 109 команда қатысқан жарыста лайықты өнер көрсеткен қазақстандық арнайы жасаққа тиісті құрмет көрсетілетіні хабарланды.
