Лондонда (Англия) өтіп жатқан әлем чемпионатында Қазақстан ерлер құрамасы 1/8 финалға жолдама алды. Бұл еліміздің үстел теннисіндегі тарихи жетістік. 1/16 финалда отандастарымыз Испания құрамасын 3:1 есебімен жеңді. Қазақстан сапында Алан Құрманғалиев пен Кирилл Герасименко болды. Осылайша, біздің команда өз тарихындағы ең үздік көрсеткішке қол жеткізді.
Енді жерлестеріміз Париж Олимпиадасының жартылай финалисі болған Жапония құрамасымен кездеседі. Әлемдік додаға 64 ел қатысуда.
«Жетісу-Ақпарат».
