Облыстық Сәкен Сейфуллин атындағы орталық кітапханасы облыстық мәдениет, архивтер және құжаттама басқармасының бастамасымен қолға алынған «Jetisu book faip» атты кітап жәрмеңкесін өткізді.
Шара негізінен балалар мен жастар арасында кітапқа деген қызығушылықты арттырып, ел арасында кітап оқу мәдение- тін қалыптастыруды көздейді.
Кітап жәрмеңкесіне ақын, Қазақстан Жазушылар одағының мүшесі, Халықаралық «Алаш» әдеби сыйлығының иегері Әміре Әрін, ақын, Қазақстан Жазушылар, Журналистер одағының мүшесі Нүсіпбай Әбдірахым және облыс- тық «Jetіsý» газетінің бас редакторы Жұматай Оспанұлы арнайы қатысып, бастамаға қолдау білдіріп, жылы лебіздерін айтты.
Аталмыш шара аясында Дәнеш Рақышев атындағы филармония әншілері ән шырқап, кішкентай балалар арасында ойындар ойнатылды. Айта кетсек, жәрмеңкеде сирек кездесетін, балаларға арналған және заманауи әдеби шығармалар мен проза жанрындағы әдебиеттер болды.
Жоба алдағы уақытта әлі де жалғасын таппақ. Игі бастама әрбір кітапқұмар оқырманға азық болары сөзсіз.
Зарина БЫЖЫБЕК,
ЖУ білімгері
