Талдықорғанқаласындағы Назарбаев Зияткерлікмектебіндеинклюзивтіжаңажылдықшыршаөтті. Мерекеге «Айналайын» балалар үйінің, нашар еститін балаларға арналған мектеп-интернатының тәрбиеленушілері, «Жетісу облысы мүгедектерінің облыстық қоғамы» қоғамдық бірлестігі, Шымыр ауылының М.Мәметова атындағы мектеп оқушыларықатысты. Бұл керемет іс-шара NIS ата-аналар қолдауымен мектептегі өзін-өзі басқару ұйымымен ұйымдастырылды.
100 бала үшін іс-шара сиқыр мен қуаныш атмосферасына толы болды. Оларды қолдауға ата-аналар, тәлімгерлер, кураторлар келді. Шыршада ертегі кейіпкерлері, музыканттар, сондай-ақ Аяз Ата мен Ақшақар өнер көрсетті.
Талдықорғандық NIS – те 13 жыл бойы қоғамға қызмет ету бойынша бірқатар әлеуметтік жобалар белсенді түрде іске асырылуда. Жобалар барысында Зияткерлік мектеп оқушылары балаларға ағылшын және қазақ тілдерін үйретеді.
— Жыл сайын ата-анамыздың қолдауымен біз тәрбиеленушілерімізге әлеуметтік жобалар бойынша «Жақсылық шыршасын өткіземіз». Бұл жолы біз 137 жаңа жылдық сыйлық жинадық. Сонымен қатар, оқушылар Аналар үйін, балалар үйін және «Бәйтерек» оңалту орталығын құттықтады, — деп директордың тәрбие ісі жөніндегі орынбасары Шынар Базилбекова өз пікірін білдірді.
Мерекелік іс-шараның жұлдыздары — есту қабілеті бұзылған балаларға арналған мектеп-интернаттың қыздары өз өнерлерін көрсетті. Олар жарқын би нөмірімен қонақтарды таң қалдырды.
— Біз бүгін өте қуаныштымыз, — деп бөлісті қатысушылардың бірі. — Бұл өте қызықты іс-шара болды және біз көптеген достар таба алдық!
