Мектеп мұғалімдеріне неге бәрі қожа? Аятжан Ахметжан жауап берді

«Қасқа жол» бағдарламасында қоғам белсендісі Аятжан Ахметжан мектеп мұғалімдеріне неге би-қожа көп екенін түсіндірді, деп хабарлайды 7-su.kz желілік басылымы.

Журналист педагогтен мұғалімге мектептегі баладан бастап, оның ата-анасы, директор мен білім басқармасы, тіпті сонау Ақордаға дейін неге билігін жүргізетінін сұрады.

Мейлі, мемлекет не министрлік суперқұжат шығарып берсін, супербағдарлама жасап берсін, егер мектеп директоры нашар болса, ешқандай бағдарлама да, құжат та іске аспайды. Оны іске асыратын бірден бір тұлға – менеджер, яғни мектеп директоры. Мектеп директоры мықты болса, мұғалімге де ешкім қожа бола алмайды. Ол үшін мектеп директоры адал, сауатты, өзі таза, мұғалімдерге де сол сапалық көзқараспен қараса, ешкім қожалық етпейді. Өзім директор болған №90 мектепте осындай жүйемен жұмыс істедік. Сайлау учаскесі жоқ Астанадағы жалғыз мектеп – №90 мектеп. Әйтпесе ол да мемлекеттік мектеп, – деді Аятжан Ахметжан.

Фото: видеодан алынған кадр