ҚР ҰҚК Шекара қызметі Жетісу облысы бойынша департаментінің Алакөл ауданы бойынша шекара басқармасына қарасты «Екіаша» шекара бөлімшесінің әскери қызметшілері мемлекеттік шекараны қырағы күзетіп, ел қауіпсіздігін қамтамасыз ету жолындағы міндеттерін абыроймен атқарып келеді.
Шекара бөлімшесін аға лейтенант Сәдуақас Райымбек басқарады. Жеке құрам мемлекеттік шекараның қауіпсіздігін қамтамасыз ету бағытында қызметтік міндеттерін жоғары жауапкершілікпен орындауда.
Қызмет барысында шекарашылардың қырағылығының арқасында мемлекеттік шекара режимін бұзу деректері дер кезінде анықталып, заң талаптарына сәйкес тиісті шаралар қабылдануда.
Сонымен қатар «Екіаша» шекара бөлімшесінің әскери қызметшілері жергілікті атқарушы органдармен бірлесіп, ауыл тұрғындары арасында шекара заңнамасының талаптарын түсіндіру жұмыстарын тұрақты түрде жүргізіп келеді.
Бөлімшенің жеке құрамы шекарашылардың жауынгерлік дәстүрін жалғастырып, мемлекеттік шекараның тыныштығын күзету жолындағы жауапты міндетін адал атқаруда.
ҚР ҰҚК Шекара қызметі Жетісу облысы бойынша департаменті
