Қасым-Жомарт Тоқаев Орталық Азия мемлекеттері мен Әзербайжан басшыларының бейресми Консультативтік кездесуіне қатысу үшін Ыстықкөл жағалауындағы Шолпан-Ата қаласына барды, – деп хабарлайды 7-su.kz ақпараттық порталы.
Қазақстан Президентін әуежайда Қырғыз Республикасы Министрлер кабинетінің төрағасы – Президент Әкімшілігінің басшысы Адылбек Қасымалиев зор құрметпен қарсы алды. Жоғары деңгейдегі кезекті басқосу өңірдегі бауырлас елдер арасындағы стратегиялық әріптестікті нығайтуға, сауда-экономикалық байланыстарды кеңейтуге және аймақтық қауіпсіздік мәселелерін талқылауға арналған.
Орталық Азия елдерінің лидерлері мен Әзербайжан басшысының басын қосқан бейресми кездесу бауырлас мемлекеттер арасындағы сенімді диалогты тереңдете түседі. Басқосу барысында көлік-логистика, энергетика, өнеркәсіптік кооперация және цифрландыру салалары бойынша бірлескен жобаларды дамыту жайы сөз болады.
