Қазақстан Республикасы Бәсекелестікті қорғау және дамыту агенттігінің Жетісу облысы бойынша департаменті отын-энергетика кешені саласындағы екі негізгі тауар нарығында бәсекелестіктің жай-күйіне талдау жүргізуді бастады.
Талдау Қазақстан Республикасы Бәсекелестікті қорғау және дамыту агенттігінің тапсырмасы бойынша Жетісу облысының географиялық шекараларында келесі бағыттар бойынша жүргізілуде:
- коммуналық-тұрмыстық көмірді қайталама көтерме саудада өткізу;
- бензинді (АИ-92, АИ-95) және дизель отынын (жазғы, қысқы, маусымаралық) бөлшек саудада өткізу.
Коммуналық-тұрмыстық көмір нарығын талдау аясында негізгі мақсат – жер қойнауын пайдаланушылардан көмір сатып алушылардың, соның ішінде өңірлік көмір операторларының құрамын зерделеу, сондай-ақ көмірді қайта сатумен айналысатын субъектілерді анықтау болып табылады. Автомобиль отынын бөлшек саудада өткізу саласында бензинге (АИ-92, АИ-95) және дизель отынының барлық маусымдық түрлеріне баға белгілеудің негізділігі, тапшылықтың туындау тәуекелдері және мұнай өңдеу зауыттарынан (МӨЗ) көлемдерді бөлудің ашықтығы талданады.
Талдау қорытындысы бойынша Департамент бәсекелестікке қарсы келісімдер белгілерінің болуы және бағаның алыпсатарлық өсуі тұрғысынан құқықтық баға беретін болады, сондай-ақ бәсекелестік ортаны дамыту, нарыққа кіру кедергілерін төмендету және Жетісу облысындағы сауда рәсімдерінің ашықтығын арттыру бойынша практикалық ұсынымдар әзірленетін болады.
