Ақордада Қазақстанға ресми сапармен келген Иордания Королі II Абдалла бен әл-Хусейнді салтанатты қарсы алу рәсімі өтті, – деп хабарлайды 7-su.kz ақпараттық порталы.
Мәртебелі мейманның құрметіне Қазақстан Республикасы Әскери-әуе күштерінің тікұшақтары Қазақстан мен Иорданияның мемлекеттік туларын желбіретіп, Ақорда алдынан ұшып өтті.
Салтанатты рәсім барысында Мемлекет басшысы Қасым-Жомарт Тоқаев пен Король II Абдалла бір-біріне ресми делегация мүшелерін таныстырды.
Құрмет қарауылы ротасының бастығы рапорт бергеннен кейін Президент оркестрі екі елдің мемлекеттік әнұрандарын орындады.
