Талдықорған: +9°C
$ 444.16
€ 487.29
₽ 5.40
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР КҮНДЕРЕК

Танымның тұғыры, жаңа идеялардың құралы

Бүгін, 12:45
КҮНДЕРЕК
Танымның тұғыры, жаңа идеялардың құралы

Қанат Мақанұлы

WhatsAppTelegramFacebook

Тіл – ұлттың танымы мен болмысын қалыптастыратын басты құндылық. Оның байлығы сөздік қордың тереңдігімен, ойды жеткізу мүмкіндігімен және қоғамдағы қолданыс аясымен өлшенеді. Осы орайда І. Жансүгіров атындағы Жетісу университетінде қазақ тілінің әлеуетін кеңінен танытуға, кітап оқу мәдениетін қалыптастыруға және мемлекеттік тілдің қоғамдық өмірдегі орнын нығайтуға бағытталған «TIL TALQY» TEDx форматындағы іс-шара өтті.

Кездесуге филолог-зерттеуші Арын Құнанбайұлы, журналист әрі әнші Мөлдір Байбуринова және тіл жанашыры Әйгерім Молдабаева спикер ретінде қатысып, өз салаларындағы тәжірибелерімен бөлісті. Жиын барысында мемлекеттік тілдің бүгінгі қоғамдағы рөлі, жастардың кітап оқуға қызығушылығы, қазақ тілінде тың идеяларды жүзеге асыру мүмкіндіктері сөз болды.

Шарада басты назар қазақ тілін тек күнделікті қарым-қатынас құралы ретінде емес, білім мен ғылымның, шығармашылық пен жаңа бастамалардың тілі ретінде дәріптеуге аударылды. Әсіресе жастар арасында мемлекеттік тілдің қолданыс аясын кеңейту, оның заманауи мүмкіндіктерін көрсету мәселелері қозғалды.

Филолог-зерттеуші Арын Құнанбай-ұлы өз сөзінде тіл үйрету мен сөз үйретудің аражігін ажырата білу қажеттігіне тоқталды. Оның пайымынша, баланың тілдік сауатын қалыптастыру грамматика мен ережелерді меңгертумен шектелмеуі керек. Өйткені тіл – тұтас танымдық платформа, ал сол платформаның маңызды тірегі – сөздік қор.

– Біз тілді тек коммуникация құралы емес, танымның тетігі деп бекер айтпаймыз. Сондықтан баланың болмысын, құндылықтарын, танымын қалыптастыруда тілдің орны ерекше. Ал тіл дегеніміз, тек грамматика, синтаксис пен морфология ғана емес, ол – үлкен платформа. Соның негізгі бөліктерінің бірі – сөздік қор. Біз балаға тіл ұқтырғанымызбен, сөз ұқтырмайтын болсақ, ол толыққанды қазақ бола ала ма? Бала грамматиканы жақсы білуі мүмкін, бірақ сөздің мағынасын түсінбесе ше? Осындай өзекті мәселелер мен келелі сұрақтарды бүгінгі дәріс барысында талқыладық, – дейді әл-Фараби атындағы Қазақ ұлттық университеті мен Қазақ-Британ техникалық университетінің сениор-лекторы Арын Құнанбайұлы.

Спикердің бұл пікірі тіл меңгертудің мазмұнына жаңаша қараудың маңызын аңғартады. Шын мәнінде, сөздің мағынасын түсіну, оны орынды қолдану және ойды ана тілінде еркін жеткізу – тілдік мәдениеттің негізгі көрсеткіштері. Демек, тілдің байлығын сақтау да, оны келер ұрпаққа жеткізу де сөздік қорды дамыту мен кітап оқу мәдениетін қалыптастырудан басталады.

Кездесудің тағы бір спикері Мөлдір Байбуринова журналистика мен өнерді ұштастыра отырып, әлемдік танымал әндерді қазақ тілінде орындауымен көпшілікке танылған. Оның шығармашылық жолы ана тілінің мүмкіндігі кең екенін, қазақ тілінде де әлемдік музыканың мазмұны мен әуезін жеткізуге болатынын көрсетеді. Бұл тілді өнер арқылы насихаттаудың және оның қолданыс аясын жаңа бағыттарда кеңейтудің бір үлгісі.

Ал облыстық «Тіл» оқу-әдістемелік орталығының оқытушысы, тіл жанашыры Әйгерім Молдабаева республика көлемінде өз тәжірибесін ұсынып жүрген маман ретінде тіл үйрету мен оны насихаттаудың маңызын ортаға салды.

Мұндай кездесулердің жастар үшін маңызы зор. Себебі тілдің қадірін түсіндіру оны міндеттеу арқылы емес, оның мүмкіндігін нақты іспен көрсету арқылы нәтижелі болмақ. Қазақ тілінде ғылыммен айналысуға, сапалы контент жасауға, өнерді дамытуға және жаңа идеяларды жүзеге асыруға болатынын көрсету – бүгінгі тіл саясатының маңызды бағыттарының бірі.

Медет ЖҰМАБАЙ

Қатысты жаңалықтар

Мемлекет басшысы Қасым-Жомарт Тоқаевтың ІІІ Стратегиялық серіктестер форумында сөйлеген сөзі

Мемлекет басшысы Қасым-Жомарт Тоқаевтың ІІІ Стратегиялық серіктестер форумында сөйлеген сөзі

Бүгін, 20:06
Ағаштарға цифрлық паспорт беру бастамасы іске қосылды

Ағаштарға цифрлық паспорт беру бастамасы іске қосылды

Бүгін, 19:43
Елімізде кәсіподақтар мен Халық Кеңесі бірлескен диалог орнатты

Елімізде кәсіподақтар мен Халық Кеңесі бірлескен диалог орнатты

Бүгін, 19:39
Жасыл ел – жас ұрпақтың жарқын еңбегі

Жасыл ел – жас ұрпақтың жарқын еңбегі

Бүгін, 17:50
Ескелді аудандық мәслихатының депутаттығына кандидат Тұрған Расиқа Сапарқызы

Ескелді аудандық мәслихатының депутаттығына кандидат Тұрған Расиқа Сапарқызы

Бүгін, 17:36

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.