Үштөбенің дамуы – нақты іспен, ашықтықпен және жауапкершілікпен айқындалады.
2026-2031 жылдарға арналған негізгі ұстаным
Құрметті сайлаушылар!
Мен Талдықорған қаласында дүниеге келдім. Қазіргі таңда Жетісу облысы, Қаратал ауданы, Үштөбе қаласында тұрамын.
KazGASA университетін техник-технолог мамандығы бойынша білім алдым. І. Жансүгіров атындағы Жетісу мемлекеттік университетін «Экономика және құқық» бағыты бойынша тәмамдап, «Мемлекеттік және жергілікті басқару» мамандығы бойынша магистр дәрежесін алдым.
Еңбек жолымды 2013 жылы «Имсталькон» ЖШС-де бастадым. Әр жылдары ауданның құрылыс, сәулет, қала құрылысы және тұрғын үй-коммуналдық шаруашылық салаларында басшылық қызметтер атқардым. 2023 жылдан бастап «DIOS CAPITAL» ЖШС-нің басшысы болып жұмыс істеймін.
Негізгі мақсатым – Қаратал ауданының инфрақұрылымын дамытуға, тұрғындардың өмір сүру сапасын арттыруға және халықты толғандырған мәселелердің шешілуіне ықпал ету. Халықпен ашық байланыс орнатып, өңірдің өркендеуіне үлес қосуды маңызды міндетім деп санаймын.
Құрметпен, Тлеубаев Айрат
2026-2031 ЖЫЛДАРҒА АРНАЛҒАН НАҚТЫ МІНДЕТТЕР
- ЖОЛ ЖӘНЕ КӨЛІК
Үштөбе қаласының Горняцкая көшесіне (25,3), Достық ауылының Фрунзе көшесіне (80) және Чапаев тұйық көшесіне (35,1) орташа жөндеу жұмыстарын жүргізу, жол сапасын жақсарту және жұмыстардың уақытылы орындалуын жүйелі түрде көтеремін.
- СУ, ЭЛЕКТР ҚУАТЫ ЖӘНЕ КОММУНАЛДЫҚ ИНФРАҚҰРЫЛЫМ
Үштөбе қаласындағы қолданыстағы кәріз-тазарту құрылыстарын қайта жаңғырту жұмыстарын 2027-2028 жылдары жүзеге асыруды, қуаттылығын 350 м³/тәулікке жеткізуді және жобаға бөлінген 1 000,0 млн теңге мен 3 322,2 млн теңге қаражаттың тиімді игерілуін бақылауды жүйелі түрде көтеремін.
- ҚОЛЖЕТІМДІ НЕСИЕЛЕР ЖӘНЕ ҚАЛАЛЫҚ БИЗНЕСТІҢ ДАМУЫ
Ауылдық елді мекендер мен шағын қалаларда микрокредиттеу және лизинг бойынша 126 жобаның жүзеге асуына ықпал ету, аудан тұрғындарының мемлекеттік бағдарламалар туралы хабардарлығын арттыру және қаржылық қолдау шараларына қолжетімділігін кеңейту.
- АУЫЛ ШАРУАШЫЛЫҒЫН ҚОЛДАУ
Ауыл шаруашылығы мақсатындағы су ресурстарын тиімді пайдалану, суару жүйелерінің жұмысын жақсарту және ҚОС-қа (кәріздік тазарту құрылыстарына) қатысты мәселелердің шешілуіне назар аударып, жоспарланған жұмыстардың сапалы әрі уақытылы орындалуын бақылауға мән беремін.
- ҚАЛА ТҰРҒЫНДАРЫ ҮШІН ЖАҢА ЖҰМЫС ОРЫНДАРЫ МЕН ТАБЫС
Үштөбе қалалық округінде 2026-2029 жылдары микрокредиттеу және лизинг бойынша жобаларды жүзеге асыруға ықпал етемін. Нәтижесінде ауыл халқының табысын арттыруға, 14 жаңа жұмыс орнын ашуға және ауылдық жерлерде бизнес-жобаларды дамытуға назар аударамын.
- ҚОЛЖЕТІМДІ ЖӘНЕ САПАЛЫ ДЕНСАУЛЫҚ САҚТАУ
Денсаулық сақтау саласына жұмсалатын мемлекеттік шығындардың үлесін 2026-2030 жылдары арттыру бағытында жүйелі жұмыс жүргіземін. Жоспарлы көрсеткіштер: 2027 жылы – 7,3%, 2028-2030 жылдары – 8,2%.
- БАЛАЛАРҒА АРНАЛҒАН ЗАМАНАУИ МЕКТЕПТЕР МЕН ЖАҒДАЙЛАР
Үштөбе қаласында 600 орындық орта мектеп құрылысының іске асырылу барысын бақылауда ұстаймын. Құрылыс жұмыстарының белгіленген мерзімде әрі сапалы орындалуына, балаларға заманауи әрі қолайлы білім беру жағдайларын жасауға назар аударамын.
- ОТБАСЫЛАРДЫ ӘЛЕУМЕТТІК ҚОРҒАУ ЖӘНЕ ҚОЛДАУ
Аз қамтылған және көпбалалы отбасыларға, қарттарға және ерекше қажеттілігі бар адамдарға әлеуметтік қолдаудың қолжетімді болуын қамтамасыз ету мәселелерін көтеремін. Үштөбе қаласында тұрғын үйге мұқтаж азаматтарды қолдау, тұрғын үй құрылысы жобаларының ашық іске асырылуы және тұрғындардың баспана жағдайын жақсарту мәселелерін бақылауда ұстаймын.
- ЖОҒАРЫ САПАЛЫ БАЙЛАНЫС ЖӘНЕ ИНТЕРНЕТ
Аудан мектептерін жоғары жылдамдықты интернетпен 100% қамту көрсеткішін 2027-2030 жылдары сақтауға, білім беру ұйымдарының интернетке қолжетімділігін қамтамасыз етуге және цифрлық білім беру мүмкіндіктерін дамытуға ықпал етемін.
- ТАЗА ӘРІ ЖАҚСЫ КҮТІЛГЕН ҚАЛА
Үштөбе қаласындағы орталық мәдениет және демалыс саябағын 2027-2028 жылдары күрделі жөндеуден өткізу мәселесін жүйелі түрде көтеремін. Жоба аясында 33 880 м² аумақты абаттандыруға және 496,8 млн теңге мен 353,2 млн теңге көлеміндегі қаражаттың игерілуіне назар аударамын.
Халықтың үні – менің бағытым, нақты нәтиже – басты мақсатым!
Тапсырыс беруші: Тлеубаев Айрат
Қаратал ауданының мәслихаты депутаттығына кандидаттың сайлау қоры қаражаты есебінен төленді






