Жетісуда полиция жол қауіпсіздігін күшейту мақсатында жаңа әдістер қолдануда.
Жол-көлік оқиғаларының жиілеуіне және жолдардағы күрделі апаттық жағдайына байланысты Жетісуда полиция жол қозғалысын бақылаудың жаңа әдістерін енгізуде. Осы шаралар шеңберінде стандартты патрульдік жасақтардан басқа, енді өңірдің жолдарында сәйкестендіру белгілерінсіз үш арнайы қызметтік автокөлік жүретін болады. Жасырын патрульдеуге арналған бұл көліктер заманауи “Кордон” фото-бейнетіркеу кешенін пайдалана отырып, жол қозғалысы ережелерінің сақталуын қадағалайды және бұзушылықтарды анықтайды.
“Кордон” кешені жылдамдықты асыруды, қарсы жолаққа шығуды және жол белгілері талаптарын орындамауды қоса алғанда, ЖҚЕ әртүрлі бұзушылықтарын автоматты түрде тіркейді. Сонымен қатар бұл кешен көлік құралының санатын дербес анықтай алады және рұқсат етілген жылдамдықтан асып кету сияқты бұзушылықтар анықталған кезде автоматты түрде нұсқама жолданады.
Мұндай технологияларды енгізудің басты мақсаты – өңір жолдарындағы қауіпсіздікті арттыру, апаттар қаупін азайту және адамдардың денсаулығы мен өмірін сақтау. Жасырын патрульдеуді қолдану құқық бұзушылықтардың санын азайтуға және жол қозғалысына қатысушыларды тәртіпке келтіруге көмектеседі. Қарсы жолаққа шығу және жылдамдық режимінен асып кету сияқты өрескел бұзушылықтарға ерекше назар аударылатын болады.
Осылайша, бұл шаралар барлық қатысушылар үшін қауіпсіз жол қозғалысын қамтамасыз етуге, сондай-ақ апаттық жағдайлар санын азайтуға бағытталған.
