Қазақстан мұнай өндіру көлемін 100 млн тоннаға жеткізбекші. Бұл жайлы Шетелдік инвесторлар кеңесінің отырысында президент Қасым-Жомарт Тоқаев айтқан.
«Соңғы 30 жылда мұнай өндіру көлемі үш есе өсті. Нәтижесінде Қазақстан мұнай өндірде үздік 5 елдің қатарына кіруге мүмкіндік алды. Болашақта жыл сайынғы мұнай өндірісінің көлемін 100 миллион тоннаға жеткіземіз», – деді Тоқаев
Сонымен бірге президент Қазақстанның атом энергетикасын дамытудағы әлеуетіне тоқталды. Мемлекеттің уран өндіру бойынша әлемде көшбасшы елдер қатарында тұрғанын, Қазақстанда ядролық отын циклі толықтай жұмыс істейтінін айтты.
«Жақында өткен референдумда халық Қазақстанда бірінші атом электр станциясының құрылысын қолдады. Бұл біздің энергетикалық қауіпсіздігімізге ұзақ мерзімді инвестиция саналады. Қазір бұл жобаны жүзеге асыру үшін халықаралық консорциум құру мүмкіндігін қарастырып жатырмыз», – деді президент.
Фото: Қонысбай ШЕЖІМБАЙ
