Бүгін біз Қазақстан Республикасының күнін үлкен қуаныш және мақтанышпен атап өтудеміз. Бұл ерекше күн тек қазақ халқы үшін ғана емес, сондай-ақ бауырлас ел Түркия үшін де зор маңызға ие. Тіл және мәдениет саласындағы ортақ құндылықтарымыз бен тарихи байланыстарымыз бізді бір-бірімізге одан әрі жақындата түсуде.
Қазақстан тәуелсіздігін алған күннен бастап даму жолынан өтті. Экономика, білім, ғылым және технология секілді көптеген салаларда жетістіктерге қол жеткізді. Түркі әлемінің маңызды мүшесі ретінде аймақтық және ғаламдық деңгейде бейбітшілік, қауіпсіздік және ынтымақтастық мәселелеріне үлкен үлес қосуда. Қазақ халқының табандылығы, еңбекқорлығы және тәуелсіздік рухы бүгінгі таңда әлем сахнасында зор беделге ие. Бізде оқып жатқан қазақ жастарының білімге құштарлығы ерекше. Жастарыңыз табанды. Шет елде жүру себептерін бізге де ұғындырады. Түрік тілін меңгеріп қана қоймай, түрік тілді мемлекеттердің ортақ мәселелеріне ортақтасуда. Аудармашылық, екі ел арасындағы ынтымақтастық істерінде белсенді көрінуде. Түбіміз бір болғандықтан тарихты, жыр-дастандарды зерттеуге құлшыныстары жоғары.
Dilmer орталығы ретінде, қазақ тілі мен мәдениетіне қатысты жұмыстарымызда осы ерекше күнді қуанышпен атап өтудеміз. Мерекеде екі ел арасындағы байланысты жақсару жолдарын ойластыратын басқосу өткіземіз. Жастар ойларын айтады. Оны шешу үшін жауапты адамдарды тағайындаймыз. Мұнда қазақтың ұлттық дүниелері қойылған көрме ұйымдастырылады. Өренжілеріміз ұлттық ән-билерін көрсетеді. Қазақстан Республикасының Түркиядағы елшісі және басқа елдердің елшілерін шақырамыз. Мерекеге барлығы қазақы киіммен келеді. Жастар ұлттық астан дастархан жаяды. Екі ел арасындағы тіл және мәдени ынтымақтастықты одан әрі дамыту жолында біздің талпыныстарымыз жалғаса береді. Студенттеріміз және академиялық құрамымызбен бірге Қазақстанның тәуелсіздік жолындағы маңызды белестерін үйрену және осы үлкен жетістікті бірге бөлісу біз үшін үлкен мәртебе.
Қазақстан Республикасының күніне орай бүкіл қазақ халқын шын жүректен құттықтаймыз. Тәуелсіздіктеріңіз мәңгі, бірліктеріміз және ынтымақтастығымыз үзілмесін. Қазақстан мен Түркия арасындағы достық байланыстарының күннен-күнге нығаюын тілейміз.
Тайфун Хайкыр,
Анкара Хаджы Байрам Вели Университеті «Dilmer» орталығының директоры.
Арнайы «Jetisy» газеті үшін.
