Талдықорған: +13°C
$ 448.72
€ 493.86
₽ 5.49
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР РУХАНИЯТ

БАҚ ӨКІЛДЕРІНІҢ БАҒЫ ЖАНҒАН КҮН

28 маусым 2024
РУХАНИЯТ
БАҚ ӨКІЛДЕРІНІҢ БАҒЫ ЖАНҒАН КҮН
WhatsAppTelegramFacebook

Журналист ол қоғамның шынайы бет-бейнесін көрсететін, жалған мен ақиқаттың аражігін бажайлай алатын құрметті кәсіп иесі. Оның кәсібіне адалдық танытуы, мемлекетшіл азамат болуы аса маңызды. Қаламды қару еткен қаламгерлердің еңбектерінің еленгенін күллі жұрт қаламайды емес, қалайды. Осы ретте облыс орталығындағы Б. Римова атындағы драма театрында тілшілер қауымының мерекесі аталып өтті. 


Салтанатты шара шымылдығын облыс әкімінің орынбасары Марлен Көлбаев түрді. Журналистерді айтулы мерекесімен құттықтап, алғаусыз алғысын жеткізіп, арнайы марапаттады.

– Қай кезде де журналистика саласының жүгі ауыр. Бүгінгідей әлемдік ақпараттар ағыны тасқындаған кезеңде кәсіби журналистерге артылатын міндет бұрынғыдан да еселене түсуде.   Қазіргі таңда адам өмірі ақпаратқа толы.  Соның ішінде жағымдысы да, жағымсызы да, ақиқаты да, жалғаны да, дұрысы да, бұрысы да жетерлік. Әлеуметтік желіде жел сөзге дем беріп, жалаулатып әкететін жандар аз емес. Осындай сәтте қандай ақпарат болсын, нақты дерекке сүйеніп, шынайы жеткізу – журналистің қоғам алдындағы азаматтық борышы екенін айтқым келеді. Ашық ақпараттық кеңістік құра отырып, ел тәуелсіздігін сақтау, мемлекеттігімізді қорғау, ақпараттық қауіпсіздікті қамтамасыз ету мәселесін де ұмытпауымыз керек. Барша БАҚ өкілдеріне мықты денсаулық, толайым табыс, берекелі ғұмыр, отбасыларына амандық тілеймін. Еліміз өсіп-өркендей берсін, жазатын жақсы жаңалықтарыңыз көп болсын, – деді ол.

Аймақ тілшілері облыс көлемінде ғана емес, республика деңгейінде де өз бағасын алуда. Биыл «Jetisý» газетінің бас редакторы Жұматай Әміре «Құрмет» орденімен, «Казахстанская правда» газетінің Жетісу облысындағы меншікті тілшісі Дина Боранбаева, «Жетісу» телеарнасының редакторы Надежда Белова, режиссері Айдар Құсаинов «Ерен еңбегі үшін» медалімен марапатталып отыр. Бұл туралы салтанатты жиында айрықша аталып өтті.

Шара аясында әріптестеріміз Мырзағали Нұрсейіт «Еңбек ардагері» медалімен, Мәди Алжанбай «Ақпарат саласының үздігі» төсбелгісімен, Дастанбек Садық ҚР Мәдениет және ақпарат министрлігінің Құрмет грамотасымен,  Гүлжан Тұрсын облыс әкімінің құрмет грамотасымен, Серік Қантаев Жетісу облысы әкімінің Алғыс хатымен марапатталды. Осындай марапатқа өзге де БАҚ өкілдерінің  журналистері иеленді.

БАҚ өкілдері арасындағы «Самғау» байқауы биылдан бастап «Құлагер» деп  өзгертілді. Журналистер күніне орай байқаудың да қорытындысы жарияланды. «Үздік мақала» номинациясы бойынша әріптесіміз, «Jetisý» газетінің бөлім редакторы Асыл Сұлтанғазының мақаласы топ жарды. «Ардагер журналист» номинациясымен Нүсіпбай Әбдірахым марапатталды. «Үздік телесюжет» номинациясын республикалық «Хабар», «24 KZ» телеарналарының Жетісу облысындағы меншікті тілшісі Гүлнар Жантасова жеңіп алды. «Жетісу» телерадиокомпаниясының таспагері  Жасұлан Шынкенже «Үздік оператор», «Жетісу» телерадиокомпаниясының бейнедизайнері  Ілияс Сапарбекұлы «Үздік бейнедизайны» номинацияларының иегері атанды. Ал, «Үздік баспа дизайнері» «Вестник Жетісу» газетінің  дизайнері Галина Абильдиноваға бұйырды. «Әлеуметтік желідегі өзекті мәселе» номинациясын блогер Дина Балхашқызы еншіледі. Бейсен Құранбек атындағы «кәсіби шеберлігі үшін» номинациясын «Жетісу» телерадиокомпаниясының тілшісі Гүлжан Қызайбай жеңіп алды.

Мінберге көтерілген ҚР құрметті  журналисі Мейрам Базарұлы журналистерді айтулы мерекемен құттықтады. Тілшілер қауымын ақпарат аламанында үздіктердің қатарынан көрінуге, істерінің табысты болуына тілек білдірді.

Ардагер журналистен кейін артынша сөз алған «Jetisý» газетінің бас редакторы, «Құрмет» орденінің иегері Жұматай Әміре барша БАҚ өкілдеріне бақ тілеп, ізгі тілегін арнады.

– Жетісу жеріне Астанадан алып ұшқан көңілмен келіп қонғаныма аз ғана уақыт болды. Сол керемет көңіл-күймен өз әріптестерімнің ортасына келіп, әрқайсысының жеткен жетістігіне бірге қуанып отыру шынымен де  үлкен бақыт. Мұндай марапаттар біздерді масайратпайды, керісінше, шабыттандырады. Мемлекет басшысы өзінің сөзінде былтыр журналистерге  60 пәтер берілгендігін, биыл соны 67-ге жеткізетіндігін атап өтті. Астанадан басталған ақжолтай жаңалықта алдағы уақытта өңірлердегі тілшілердің де сондай құрметке ие болатындығы айтылды. Болашақта осы сахнада басшылардың қолынан жеке үйдің де кілтін алып жатуға жеткізсін дегім келеді, – деді ата басылымның басшысы Жұматай Әміре.

Журналистер күніне орай ұйымдастырылған шара әрмен қарай концерттік бағдарламамен жалғасты.

Медет ЖҰМАБАЙ
 

Қатысты жаңалықтар

Жетісу облыстық мәслихаты депутаттығына кандидат Оспанов Жанат Тәнірбергенұлы

Жетісу облыстық мәслихаты депутаттығына кандидат Оспанов Жанат Тәнірбергенұлы

Бүгін, 12:38
Еңбек адамының 25 бастамасы Халық Кеңесіне табысталды

Еңбек адамының 25 бастамасы Халық Кеңесіне табысталды

Бүгін, 11:34
«Жетісу» футбол клубы сингапурлық инвестордың басқаруына өтеді

«Жетісу» футбол клубы сингапурлық инвестордың басқаруына өтеді

Бүгін, 10:00
«Таза Қазақстан»: Мектептерде 560 мыңнан астам экологиялық сынып сағаты өткізілді

«Таза Қазақстан»: Мектептерде 560 мыңнан астам экологиялық сынып сағаты өткізілді

Бүгін, 09:30
Қазақстан электрондық үкімет рейтингінде 16-орынға шықты

Қазақстан электрондық үкімет рейтингінде 16-орынға шықты

Бүгін, 09:24

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.