Мемлекеттік қолдаудың арқасында Талдықорған қаласында «Big — Smile TURBO» отбасылық ойын-сауық орталығы ашылды.
Мұндай орынды Игорь Виршки ашты. Ол 2001 жылдан бастап жеке бизнеспен айналысады. Кәсіпкер балалардың ойын-сауық орталығына қажеттілігін байқап, шағын бөлмені жалға алады. Сөйтіп, «Big — Smile TURBO» отбасылық ойын-сауық орталығын ашып, сол арқылы балалардың дамуына жағдай жасауда.
Аталған орталық бүгінде Талдықорған қаласындағы ең үлкен кешен саналады. «Мега орталықтың» жалпы ауданы 3500 шаршы метр. Бұл жерде спорттық батут, әткеншек, карусель, үрлемелі сырғанақ, басқа да ойын құралдарының небір түрі бар. Жалпы, орталықта балалардың бос уақытын тиімді әрі көңілді өткізуіне, алаңсыз ойнауына барынша жағдай жасалған.
Кәсіпкер кешенді ашу үшін «ForteBank» АҚ-дан несие алды. Жобаны субсидиялау және кепілдік беру құралдары бойынша «Кәсіпкерлікті дамытудың 2021-2025 жылдарға арналған ұлттық жобасы» бағдарламасы шеңберінде «Даму» қоры қолдау танытты.
А. Ыбырай
Талодықорған қаласы
Фото: damu.kz
