Қазіргі таңда жақсы да жаңа көлік мінгісі келетіндердің басы қатудай-ақ қатып келеді. Ел ішіндегі салонға сыймай тұрған көліктерден алайын десе қалтасы көтермейтін, диллерлердің дайын ұсынған бағасына шамасы жітпейтін халық шеттен темір тұлпар тасығыш қазір. Ал оның заңдылығы қандай? Мәселен, Жетісу облысында көліктерді заңдастыру жұмыстары бір жыл бұрын басталған. Осы уақыт ішінде E-gov электронды порталы арқылы шетелден әкелінген автокөліктерді заңдастыруға көлік иелерінен 3534 өтініш келіп түскен.
Бұл туралы Өңірлік коммуникациялар қызметінің ақпараттық алаңында өткен баспасөз мәслихатында полиция департаментінің қызметкерлері айтты.
Департамент өкілдерінің айтуынша, Елімізге әкелінген барлық көліктер заңдастырылуы тиіс. Өткен жылы Талдықорған қаласында орналасқан мамандандырылған халыққа қызмет көрсету орталығына (ХҚКО) Еуразиялық экономикалық одақ елдерінен әкелінген көліктерді уақытша тіркеуге 826 азамат жүгініп, 680 көлік пен 517 көлік жасаушы кәсіпорын тіркелді. Мониторинг көрсеткендей, көліктердің көпшілігі Ресей (286), Қырғызстан (278), Армения (116) елдерінен тасымалданады.
Жетісу облысы ПД ӘПБ Әкімшілік практика бөлімінің бастығы, полиция майоры Саят Ибраимовтың айтуынша, егер шетелдік автокөлік әкелінгеннен кейін 10 күн ішінде тіркеуден өтпесе, ҚР 590-бабының 2-тармағына сәйкес «Міндетті түрде тіркеуден өтпеген автокөліктер» айыбы бойынша қамауға алынып, иелері ҚР Әкімшілік кодексінің 797-бабы бойынша жауапкершілікке тартылады.
«2023 жылдың 1 шілдесіне дейін өтініш білдірген ел тұрғындарына көрсетілген мерзімнен кейін көліктерін заңдастыру құқығы беріледі. Жетісу облысында заңдастыру басталғаннан бері автокөлікті заңдастыру кезінде жалған тіркеу құжаттарын қолдану бойынша ҚР ҚК-нің 385, 386-баптарының 1-бөлігімен 8, оның ішінде 4 қылмыстық іс бойынша қылмыс құрамы болмауына байланысты өндіріспен тоқтатылды, 4 дерек Талдықорған қаласы ПБ Анықтау бөлімінің өндірісіне берілді», — деді Жетісу облыстық ПД әкімшілік полиция басқармасының бастығы, полиция майоры Диас Айнақұлов.
