Жетісулық прокурорлардың ықпалымен жалпы құны 3 млрд теңге болатын 35 мемлекеттік сатып алу келісімшарты күшін жойды, деп хабарлайды 7-su.kz желілік басылымы.
Негізгі заңбұзушылықтар автожолдарды жөндеуге тендер жариялау кезінде сметалық құжаттамарларды сараптамасыз өткізуге байланысты туындаған. Атқарылуы тиіс жұмыс көлемі 1,5 млрд теңге болса, облыс орталығындағы 6 саябақты күтіп ұстауға 1 лотпен жарияланған конкурс құны 1 млрд теңгегеге жеткен. «Жергілікті шенеуніктер өздерінің осы әрекеті арқылы бәсекелестікті шектеді», – дейді ведомство басшысы.
24.kz хабарлағандай қазір аталған аталған конкурстар заңға сәйкес түзетілген. Осыған орай 67 лауазымды тұлға жауапкершілікке тартылып, оларға 10 млн теңге көлемінде айыппұл салынған. Жер қатынастары туралы заң бойынша да бірқатар кемшілік анықталған.
— Біздің талдаудың нәтижесінде 850 мың гектардан астам жайылымдық және егістік жерлер, пайдаланылмай жатқан егістік жерлер анықталып, міне осы мәселелерді қайтаруға қатты күш бөлдік. Бүгінгі күнде прокурорлық ықпал ету актілері бойынша 63 мың гектардай жер мемлекетке қайтарылды. Басқалар бойынша қайтару жұмыстары жалғасуда, — деді Жетісу облысының прокуроры Мадияр Басшыбаев.
Фото: видеодан алынған кадр
