Қазақстанның кемел келешегі, өскелең ұрпақтың баянды болашағы үшін Ауған соғысының ардагерлері Үштөбе қаласындағы №137 сайлау учаскесіне барып, өз таңдауларын жасады.
Сайлауға келген Қаратал ауданы бойынша Ауған соғысы ардагерлерінің төрағасы Болат Бейсенбаев
— Бүгін біз Ауған соғысы ардагерлері өскелең ұрпаққа үлгі болсын деген ниетпен сайлауға толық жиналдық. Себебі бұл біз үшін аса маңызды күн. Балаларым мен немерелерімнің болашағы үшін дауыс бердік, — деді майдангер.
Қоғамдық іс-шаралардан шет қалмайтын ардагерлер бүгінгі сайлау Қазақстан дамуына үлкен өзгерістер әкелетініне сенімді.
Айдар Қалиев,
Қаратал ауданы
